Nikki Haley balyoza Amerîka li NY duhî roja çarşemê gotinek di civîna konseya ewlekariyê de ya derbarê Sûriyê pêşkêş kir û têde got ku rijêma Bişar Esed ligor mercên xwe aştî divê.
Nikki Haley di civînê de ya bi amadebûna şanderê navdewketî yê taybet Staffen de Mistura, hişyarî da li ser “berdewamiya Bişar Esed li ser bombebaran û birçîkirin sivîlên Sûriyê û gazbarandina wan”.
Haley ji endemê konseyê re got: “ku aştî bûye pêwîstiyeke bilez”, û dazanîn ku ” nabe li aliyekê aştiyê bihêz bikin û li aliyekê din çavên xwe bigirin ji piştevanên terorê li navçeyê wek Îran û hizibulah yên hewl didin li Sûriyê bimînin”.
Balyoza Amerîka dîsa got: “pêwîst e em hemû piştvanên bizavên şanderê navdewletî bin”, û zêdetir got: ” em hêjî negihiştine aştiyê hevdem ku rewş li ser zemînê xirab dibe û kartêkirinê li tevaya navçeyê dike”.
Haley tekez kir ku “Amerîka bi carekî piştgiriyê dide pêşniyara de Mistura li ser destpêkirina danustandinên Cenêv û dirustkirina komîta amadekirina destûrê ligor biryara konseya ewlekariyê hejmar 2254”.
Ji aliyê xwe ve, şanderê navdewletî Staffen de Mistura di civîna konseya ewlekariyê de li Niyoyorkê got: “Ez daxwazên serekî bo we pêşkêş dikim: yekem kar bi awayekî bilez ji bo misogerkirina agirbestê li Sûriyê, û pêşkêşkirina palpiştiyeke bihêz ji bo danustandinên Cenêv bi armanca dîtina çareseriyeke siyasî ji kirîzê re, û piştevanîkirina cêbicêkirina biryara 2254”.
Şanderê navdewletî cext li ser giringiya wê yekê kir ku hemû alî bêmerc rabin bi agirbestê ji bo parastina sivîlan ji ber ku pêşhatên niha gefê li seqamgeriyê dixwin, û hişyarî da li ser ku “tişta niha li Sûriyê dibe hewlên terxankirî bo peydakirina çareseriyeke siyasî jinav dibe”.
Hêjayê gotinê ye ku êrîşên dijwar ji aliyê hêzên Esed û milîsên Îranê û bi piştgiriya firokên Rûsiya li ser çend navçeyên Sûriyê tên encamdan û rêkeftinên agirbestê bi awayekî eşkere binpê dibin, û NY daye zanîn ku Sûriya ji çend salan ve di xirabtirîn rewş de derbas dibe.
Jêder: Ofîsa Ragihandina Hevbendiya Niştimanî
