Oparesyona leşkerî ya hovane ji aliyê rejîma Esed û Rûsya li ser deverên mezin li parêzgeha Idlib û Hemayê, bû sedema têkbirina piraniya xalên bijîşkî, tevlî kuştin û birîndarbûna bi dehan kes û derbiderbûna bi sedhezaran ber bi deverên sînorî de.
Duhî roja duşemê, Rêveberiya Tendurustî ya “Azad”, rawestandina karê 90 xalên bijîşkî ragihand ji ber oparesyona leşkerî ya hêzên rejîmê û Rûsyayê her ji 26’ê nîsana borî ve li ser parêzgehên Idlib û Hemayê.
Rêveberiya Tenduristiya Idlibê diyar kir ku 20 navendên bijîşkî bi awayekî rasterast hatine topbarankirin, ku ji wan 18 navend bi tevahî hatine têkbirin, û hindek bi beşekî hatine wêrankirin, tevlî kuştina sê karmendên stafên bijîşkî.
Rêvebiriyê got ku 49 navendên bijîşkî û 21 navendên vaksîndanê jikar ketin ji encama kiryarên bombebaranê yên ji aliyê rejîmê û Rûsya ve li ser deverê, û xuya kir ku wan navendan heyvane nojdarî ji bo 171000 kesî pêşkêş dikirin.
Rêveberiyê ragihand ku hejmara kuştî û birîndaran her ji 2’ê sibatê heta 13’ê vê gulanê gihişt 355 kesî, di nav de 139 zarok, û herwiha êrîşên leşkerî bûne sedema koçberbûna 320 hezar kesî, ku hîn jî 85000 kes, 9000 ji wan zarok in, di nava erdên çandiniyê de dijîn.
Ku li 6’ê vê gulanê, Rêveberiya Tendurustiyê ragihandibû ku wê dest bi karê sîstema tengaviya kiriye, û hevdem ku ji aliyê Tora Mafên Mirovan ya Sûrîyê zêdetir ji 82 êrîşan li ser navendên girîng ji aliyê rejîmê û Rûsyayê hatine belgekirin.
Û di hefteya borî de, Rêxistina Lêborîna Navnetewî nerazîbûna xwe xuya kiribû li hember bombebarana “bimebest” li ser nexweşxaneyên Idlib û Hemayê ji aliyê rejîma Esed û Rûsyayê, û bang li Civata Ewlekariya NY kiribû ji bo fişaran bêxin li ser Rûsya ji bo rawestandina operasyona xwe ya leşkerî.
Ku rejîma Esed, her ji dawiya heyva nîsana borî ve, oparesyoneke leşkerî ya hovane bi piştgiriya Rûsya li dijî bakurê Hemayê û parêzgeha Idlibê pêk tîne, ku bûye sedema kuştin û birîndarbûna bi dehan welatiyên sivîl û koçberbûna bi deh-hezaran kesên sivîl, tevlî wêrankirina jêrxana bingehîn û dezgehên xizemtgozariyê.
Jêder: Ofisa Ragihandina Hevbendiya Niştimanî ya Sûrî
