17Alayên leşkerî raghandin ko wan xwe vekeşandine ji Encûmana“ Serpereştiya Leşkerî Ya Desteya Bala Ya Arteşa Sûrî Ya Azad” ya ko ji beriya du rojan li Bajarê Rîhaniyê yê Turkiyê hat ragihandin, wek ko di wê daxuyaniya Alayan de hat.
Di nerîna wan de, ev pêngav hewldaneke nû ye ji bo pirkirina cudabûnê û pêkanîna nakokiyên hindirîn. Yên ko xizmeta tu kesî nakin ji dijminên şorşê pêve , û mixabiniya xwe jî dan xwiyakirin li ser hewldanên hineka ji bo sûdewergirtina ji biryarên girig ji bo piroje û ecindeyên ko ne di berjewendiya şoreşê de ne.
Daxuyaniyê li ser çakkirina dezgehên Şoreşgêr, û xurtkirina peywendiyan di navbera wan de di çarçoveya giştî de, û nehêlana ko bazirganî bi xwîna Gelê Sûriyê bê kirin tekez kir.
Hevbendiya Niştimanî Sûrî dît ko ragihandina damezirandina ewa tê binavkirin (Encûmena Leşkerî ya Nû), ya ji hêla hindek endamên Encûmena berê hat ragihandin, tenê hewldaneke ji bo nerîna raya giştî ji rê bibe, di heman çaxê ko Hevbendî bizavê dike bi alayên şervan re da Serpereştiya Leşkerî ya yekbûyî damezirîne.
Hevbendiyê destnîşan kir ku erk e li ser milê hemû kesên ko guhdanê li paşeroja Sûriyê dikin da Şoreşa wê biser bikeve, eger serpereştiyên Encûmena çûyî bin an kî din bin jî, gerek bi berpirsiyariyê hest bibin û gerek piştgiriya bizava Hevbendiyê bikin, û hevrêziyê bi alayên şervan re bikin, ne astengiyan li pêş serkeftina wê derxin .
Hevbendiya Niştimanî Sûrî tekez kir ko operasiyona danûstandin û şêwirdarî û hevrêziya herdemî bi hemû aliyên kartêker li ser xakê re berdewam e, dako Serpereştiya Leşkerî ya bala damezirînin. Ew pêngava pêşî ye ji bo Gelê Sûrî bi azadiya xwe şad bibe.
Jêder: Hevbendî
