Çeteyên Hizbullaha tirorist navên 18 kuştiyan ji şervanên xwe yên tirorist ragihandin.
Yên ko di cenga Nubil û Zehra de digel hêzên Esed ji aliyekî û ji aliyê din Artêşa Azad li Gundewarê Helebê yê Bakur hatin kuştin.
li gor Kenala Ele’rebiyê dibêje jêderin agahdar gotine: Nexweşxaneyên Hizbullah tije Kuştî û Birîndar bûne, bê ko ragihînin ji tirsa ku xelkên kuştiyan li himber wan rabin, Jêderan got: “Çeteyên Hizbullah derbeyên xurt xwarin piştî ko alayên Şoreşgeran li Qelemûn êrîş dan ser cîgehên wan, û pir Çek û Çeteyên wan têk birine.”
Herweha Alayên Şoreşgeran dest danîn ser pênc cihên ko Hizbullaha tirorist li çiyayên bajarokê Filêta li Qelemûna Rojava dagîr kiribûn, nêzîk sînorê Libnanê, piştî şerekî tund sê rojan berdewam kir, di encamê de 21 ji hêzên Esed û Çeteyên Hizbullah hatin kuştin.
Herweha li gor hin jêderên ragihandinê dan xuyakirin, ku nakokiyine mezin di navbera Hêzên Esed û Çeteyên Hizbullah li Qelemûnê li ser cudahiya pêşindeyan hene, çimkî Hizbullah dibêje destdanîna wan li ser Qelemûnê pêşindeyea wê ya sereke ye, ji ber nêzîkî sînorê Libnanê ye, û Hêzên Esed tu giringiyê nadin pêşindeya evê mijarê.
Heman jêderan got: zehmetkêşiyên Hizbullah mezin in, ji encama ko gelek êrîş têne ser, û gelek çeteyên wê hatine kuştin, digel ko Îran nuha jî 25% ji piştgiriyê ji ser kêm kiriye.
Tê gotin ko berê jî Serperiştên gorepanî yên Hizbullah gazin ji Serkirdeya xwe kirine çimkî Endamên bê rahênan ji bo cenga Qelemûn şandine. Piştî ko gelek ji endamên xwe yên bijarte hejmara wan digihê hezarî winda kirine. Lê jêderên nêzîkî Şoreşgeran dibêjin hejmar bi gelekî ji wilo bêtir e.
Jêder: Hevbendî
