Fermandarên Artêşa Azad ya Sûriyê ragihandin ku ti hêzên rêjîmê derbasî nav bajêrê Minbicê yê li gundewarê Helebê nebûne, û ji aliyê xwe ve wezareta berevaniya Tirkiyê hişyarî da rêjîma Esed ji pêkanîna çi kiryarên nerehetiyê di nava bajêr de.
Tora “Beledî” ya nûçeyan li ser zarê Berdevkê fermî yê Artêşa Niştimanî, Raid El-Hemûd, ragihand ku: “Hêzên rejîmê fêrî ragihandina daxuyaniyên wiha bûne “, û diyar kir ku hêzên rêjîmê hêjî derveyî bajarê Minbicê ne, û hêzên Amerîkî hêjî di nav bajêr de ne.
El-Himûd, bal kişand ku rêjîm ji berî niha ev terz li bajarê Efrînê jî bikar anîbû, û got: “Em ber bi şer diçin û nahêlin ti hêzek derbasî bajarê Minbicê bibe”.
Serokkomarê Tirkiyê Recep Tayip Erdogan tekez kir ku rejîma Esad radibe bi “Operasyoneke psîkolojîk” li Minbicê, û got: “Armanca me ew e ku em PYD hînî waneyeke pêwîst bikin, û em sûr in li ser vê yekê “.
Û Wezareta Derve ya Tirkiyê îro roja înê di daxuyaniyekê de got: “Em hemû aliyên li Sûriyê hişar dikin li ser pêwîstiya ku xwe dûr bikin ji hemû kiryar û gotarên hêrskirinê yên bibin sedema alozkirina rewşê”, û bal kişand ku ew vê rewşê ji nêzîk ve dişopîn e.
Balaferên Hevpeymaniya Navnetewî li asmînê bajêr hatin dîtin, piştî daxuyaniya rejîmê ya derbarê derbasbûna hêzên wê piştî gaziya PYD, hevdem ku artêşa tirkiyê berdewam e di şandina hêzên zêdetir li ser sînorê bajêr bi hevkariya hêzên artêşa azad.
Jêder: Ofîsa Ragihandina Hevbendiya Niştimanî ya Sûriyê