Serokê Desteya Erkanê Artêşa Sûrî Ya Azad “Efser” Ehmed Berî wergirtina çi piştgiriya leşkerî ji hêla Rûsya de li gor ku serokê Rûsî Filadimîr Botîn duh înê ragihand nefî kir.
Berî got: Rûsya rojane êrîşî wargehên Artêşa Sûrî ya Azad dike, û deverên di bin kontrola wan de armanc dike. Van êrîşan 12 nexweşxaneyên meydanî, hejmarek ji nevendên sûkan û nanpêjgeh, û avahiyên sivîlan armanc kirin, û ew çavê xwe ji wargehên rêxistina Daiş digrin. Berî pirsyar kir çawa Mosko piştgiriya Artêşa Azad dike, û wê gulebaran dike?.
Berî diyar kir ku Rûsya welatekî zordar e, û piştgiriya rejîma Esed ya tawankar ku kuştarin mezin li ser dirêjahiya pênc salan derheqê miletê Sûrî de pêk tîne dike.
Emîndarê Giştî yê Hevbendiya Niştimanî Bo Hêzên Şoreşê û Hevrikiya Sûrî Mihemed Yehya Mektebî, tekez kir ku Rûsya hevpara tawanên qirkirina ku bi serê xelkên Sûrî de tê ye, û serjimêr destnîşan dikin ku Rûsya ji destpêka êrîşên xwe de bi sedan qurbanî kuştine.
Mektebî berdewam kir ku tu kes piştgiriya leşkerî ji Rûsya naxwaze, lê em jê dixwazin ku êrîşên xwe û armanckirina sivîl, şoreşger, û navendên xizmetguzariyê mîna dibistan û nexweşxaneyan rawestîne, herweha em jê dixwazin ku piştgiriya rejîma Esed bi alavên kuştin û tawankariyê jî ku ji destpêka şoreşê û bi awayekî di bilindbûnê de bi dema derketina nîşanên tevdana operasyona siyasî de dike rawestîne.
Mektebî bal kişand ku Rûsya dibêje êrîşên min li ser xelkên Sûrî bi egera şerê DAIŞ e, û va ye DAIŞ pêşketineke berbiçav di bin siya firokeyên Rûsî û êrîşên ku Rûsya bi ser Artêşa Azad de dibe bidest dixe.
Mektebî daxuyaniya xwe wisa bidawî kir:” Rûsya got wê destwerdn bo pêkanîna çareya siyasî kir, û me tu tiştî ji wê, Iran, û rejîma Esed ji bilî bêtir ji tawan û wêrankirinê û serhişkiya siyasî nedît, ku ew jî di daxuyaniyên Esed yên dawî de derbarê erêkirina Esed bo rûniştina li ser maseya diyalokê bi şanda gotubêj er ê Hevrikiya Sûrî ew li Riyad hilbijartibû diyar bûn “.
Berdevkê bi navê Wezareta Karê Derve ya Emrikî Con Kêrbî, guman xistibû daxuyaniyên Botîn de, û gotibû:” Ji me re ne diyar e ku ev dozên derbarê piştgiriya Artêsa Sûrî ya Azad rast in ya na, lewre ez ne di cihê ku dihêle ez li ser wan erê bikim, tenê dikarim bibêjim, wek me berê kiriye, hemû êrîşên azmanî ku firokeyên Rûsî pêk anîne dijî Artêşa Azad bûn, û Daiş armanc nekirine”.
Jêder: Hevbendî – Ajans