Artêşa Niştimanî ya Sûrî berheviya xwe ji bo destpêkirina êrîşa ber bi Minbicê bi hêzên Tirkiyê re ragihand, û diyar kir ku ew amade ye ji bo destpêkirina operasyona leşkerî li wê deverê.
Artêşa niştimanî duhî înê êvarî, di daxuyaniyekê de got ku “Tabûrên leşkerî ligel artêşa Tirkiyê ber bi bereyên leşkerî diçin”, û amadebûna tam ya li ser sînorê bajarê Minbicê ragihand.
Fermandarê hêza El-Hemza ya girêdayî Artêşa niştimanî, Hemza Ebû Bekir, bal kişand ser ku heye di saetên pêş de şer dest pê bike, û got: “Bi tenê çend saet mane ku “rastî cihê xwe bigire û (…)”, hêzên me niha li nêzî Minbicê li ser hêla şer in, û li benda fermanê ne ji bo ku dest bi operasyoneke leşkerî bikin”.
Çalakvanan diyar kir ku zêdekirina hêzê li derdora bajêr hêjî berdewam e, û bi taybetî li hêla rojavê bajêr, û berdevkê artêşa niştimanî kaptin Yosif Hemud ji tora ” Beledî ya Nûçeyan ” re got ku zêdetir ji 14 hezar şervan amade ne ji bo şerê rojhilata Firatê, di nav de jî bajarê Minbicê li gundewarê Helebê.
Li aliyê din jî mîlîsên PYD di nava bajarê Minbicê di rewşek nearam de ne, û ji torên medayî re got ku ji aliyê van milîsan kampanyeke girtina ciwanan roja şemiyê destpê kiriye, bi hinceta tevlîbûna wan di nav refên Artêşa Azad ya Sûriyê de, û li ser dîwarên bajarê Minbicê bixêrhatina artêşa azad nivîs hatibûn danîn.
Jêder: Ofîsa Ragihandina Hevbendiya Niştimanî ya Sûriyê
