Hejmara kesên ketine mangirtinê bi sedema bombebarana hêzên rêjîmê û Rûsya li ser herêmên kêmkirina şerî li bakurê Sûriyê geha 50 kesan, li gelek dewletan belavkirî ne, û ya sereke Parîs paytexta Frensa ye.
Li Meydana Rîpobilîk li Parîsê paytexta Frensayê, duhî, çalakvanên Sûrî derketin pirotestokirinekê û beşdarbûna xwe di mangirtinê de ragehandin, û siloganên pişthiriyê ji xelkên ko ji hêla Rûsya û rêjîmê ve tûşî bombebaranê dibin hildan.
Beşdarbûyên mangirtinê destnîşan kirin ko ew bi vê mangirtinê çend nameyan dişînin, a yekem ew e ku ji xelkên li jêr bombebaranê de û di rewşeke mirovî ya aloz dibûrin re bêjin: ‘’Hûn xwarinê naxwin, em jî naxwin ‘’.
Çalakvanan nameya duyem ji civaka navdewletî re şand, da bilez tevbigerin ji bo bombebarana li ser tevaya Sûriyê û kuştina zarok û sivîlên bêguneh rawestînin, û bal kêşandine ser ko piraniya qurbaniyan sivîl in, ne şervan in.
Beşdarbûyan sûrbûna xwe li ser berdewamiya mangirtinê tekez kirin, heta amancên wan ên parastina Idlibê ji bombebaranê û bidawîkirina derdê Sûriyan pêk bên. Û bal kêşandine ser ko ew lawên şoreşa Sûriyê ne, û çi peyman an lihevkirina bi rêjîma Esed re red dikin.
Çalakvana Sûrî ya li Parîsê dimîne Seher Silêman ji malpera Elerebî Elcedîd re got:“Nameya me ji cîhanê tevî re ye, ya ko her tiştî dibîne û dibhîze, û yê himber maf bêdeng dimîne; şeytanekî lal e, û em hewil didin dîmenê li ser xaka Sûriyê veguhêzin.
Silêman ya ko ji heftiyekê de mangirtina xwe ragehandiye, bal kêşand ser ko ev helmeta mangitinê dê demeke dirêj berdewam be, dibe negehê çi encamê jî, lê em ê bi erkê xwe rabin. Em dixwazin xelkên xwe yên li hindir bidin hestkirin ko em digel wan in, eger çi qas em ji hev dûr bin jî; lê em bi rewanê xwe digel wan in.
Kampaniya ‘’Roviyên Vala‘’ ji berî bêtir ji 27 rojan de ji parîs dest pê kir, ya yekem Birîta Hacî Hesen bû, seroka Encûmena Helebê ya Rojhilat ya berê, ya li pêşberî bargeha netewên yekgirtî dest bi mangirtinê kir, ew mangirtinek vekirî ye . gelek Sûriyan ragehandin e. hejmar gehaye 50 kesî, piştî ko azadîxwazên Sûriyê li tevaya cîhanê tevlê bûne.
Ofêsa Ragehandinê ya Hevbendiya Niştimanî
