Berevaniya sivîl ya Sûrî qebareya çek û bombeyên hêzên Esed û milîtanên Îranî û firokên Rûsî li dijî mezintirîn koma niştecihên dorpêçkirî li Sûriyê di operasiyona dawî li ser Xûta bikar anîne diyar kiriye.
Berevaniya sivîl tekez kir ko tawankariyên cengê lidijî sivîlan pêkanîne û di raportekê de îro got li dora 1433 sivîlan di vê operasiyonê de navbera sibata borî û 23 adara nuha hatine kuştin, û bal kişand ser ku 223 jin û 291 zarok û 12 xwebexşkarên berevaniya sivîl hatine kuştin.
Berevaniya sivîl bêtir got ko kampanî bû sedema birîndarkirina sivîlan bi astên corbicor, û diyar kir ko hejmara birîndaran 3607 kes in, 790 ji nav wan jin in û 31 xwebexşên berevaniya sivîl in.
Berevaniya sivîl tekez kir ko hêzên rêjîmê çekên corbicor bikar anîne û li dora 3300 êrîşîn asmanî bi firokên cengê pêkanîne, û firokên perwane bêtir ji 1200 bermîlên teqîner avêtine.
Berevaniya sivîl got ku hêzên rêjîmê bêtir ji 8000 guleyên topan û nêzîkî 1600 mûşekên zemînî avêtine. Hem jî mûşekavêjan taxên niştecihan bi 5600 mûşekan amanc kirine.
Berevaniya sivîl di raporta xwe li ser qurbaniyên Xûta di kampanya dawî de ya rêjîmê û hevalbendên wê destnîşan kir ko hêzên rêjîmê gazên jehrê deh caran li dijî sivîlan di rojên dawî de ji kampanyayê bikar anîne, û bi heyberên sotandinê bêtir ji 500 caran bombebaran kirine.
Cîgira serokê Hevbendiya niştimanî ya hêzên şoreşê û rikberiya Sûriyê Selwa Eksewî got giring e Encûmena mafê mirovan di pirosesa belgehkirina tiştê li Xûta çêdibe de beşdar bibe, û bibîne ko ew li gora yasaya navdewletî û yasaya navdewletî ya mirovî tawankariyên cengê ne û dosya Sûrî ber bi dadgeha tawankariyên navdewletî ve bête şandin, tako tawankarên cengê û di serî de Beşar Elesed û Potîn bêne sizakirin.
Eksewî ji Netewên Yekbûyî û rêkxistinên navdewletî yên mafnasiyê daxwaz kir ko operasiyonên koçkirina kotekî û guherîna dîmugrafî ya ko li Xûta rojelat bi destê hêzên rêjîma Esed û milîtanên Îranî û Rûsya çêdibin belegeh bikin.
Jêder: Nivîsgeha Ragihandinê ya Hevbendiya Niştimanî
