Ji bo şermezarkirina êrîşên berdewam yên hêzên Esed û Rûsya li ser navendên bergiriya sivîl li parêzgehên Idlib û Helebê, duhî roja sêşemê ji aliyê kadroyên rêxistinê ve xwenîşandan hatin lidarxistin, bi daxwazkirina sizadana kesên berpirsiyarên bombebarana rasterast ya li ser sivîl û bazar û navendên giring ji Netewên Yekbûyî.
Xwepêşandan bi beşdariya xelkê ji çend gundên Idlibê û tevlîbûna karmendên rêxistinê li bajarokê “El-Etarib” li parêzgeha Helebê, û herweha beşdarbûna stafên pizîşkî û organîzên perwerdeyî û polîsên azad li gundewarên herdu parêzgehan hat lidarxistin.
Ji aliyê xwenîşanderan ve hin pankart hatin bilindkirin li ser hinan ji wan hatibû nivîsandin: “Bergiriya Sivîl, doktor û mamoste destbidest in ji bo kêmkirina êş û derdên sivîlan” û “Na ji armanckirina nexweşxane û navendên bergiriya sivîl re” û “bergiriya sivîl bijîşk û mamoste ne, ne terorîst in û ne armanca tawankariyên we ne”.
Rêveberê navenda bergiriya sivîl li gundê “Bilyon” li Idlibê, Tariq Alûş, bal kişand ku armanc ji vê xwenîşandanê dûpatkirina ku karê wan karekî mirovî ye, û rejîma Esed zarokan bi çekên kîmyayî û bombeyên molotof bombebaran dike.
Rêveberê navenda bergiriya sivîl li bajarê “El-Etarib”, Mihemed Helaq, ji bo torên medyayê tekez kir ku 300 kes di xwepêşandanê de beşdar bûn, da dengê xwe bighînin ku ew “ne armanc in”, ji aliyekî din ve rêveberê navenda bergiriya sivîl li gundê “El-Xedifa” li Idlebê Mihemed El’Hamada, diyar kir ku xwenîşanderan doza bêalîkirina navendên parastina sivîlan û nexweşxane û dibistanan ji bombebarana hêzên rejîmê û Rûsya dikin.
Hevdem rêvebirê navenda bergiriya sivîl li bajarê “Kafr Nibl” li başûrê Idlibê, Obêda El-Osman got ku xwepêşandanek lidar xist ji bo şandina peyamekê ji cîhanê û civaka navnetewî re, ku bergiriya sivîl û nexweşxane kar di warê mirovahî de dikin, û ne armancên bombebarana rejîmê û hevalbendên wê ne, û ji bo tekezkirina pêwîstiya sizadana kesên berpirsiyar di ber pêkanîna bombebarana de.
Hevbendiya Niştimanî ya hêzên şoreş û rikberiya Sûriyê cext kir ku rejîm û Rûsya berdewam in di bombebarana navendên parastina sivîl û nexweşxaneyen de, û ev tawankariyeke şermezarkirî ye, û belgeyeke xuya ye li ser ku rejîm berdewam e di rêbaza xwe ya wêranker de, her ji destpêkirina çirûska pêşiyê ya şoreşa sûrî li Der’ayê di sala 2011 de.
Û doza dadgehkirina rejîma Esad ji bo tawanên Şer ê li dijî sivîl û xebatkarên parastina sivîl, nexweşxane û dibistanan kir, û tekez kir ku ev yek beşek giring e ji bo pêkanîna pêvajoyeke siyasî li tevaya welêt.
Hêjayê gotinê ye ku di du rojên borî de xwepêşandanên hevşêwe li çend deverên gundewarê Helebê hatibûn amadekirin, û herî xuya li Daret Aza û Kifer Hemrah û Andan li gundewarê Helebê û bajarê Otmah li bakurê Idlibê bû, ji bo şermezarkirina êrîşên li ser stafên pizîşkî, û êrîşên Rûsya û rejîmê li ser nexweşxaneyan û dezgehên pizîşkî.
Jêder: Ofîsa Ragihandina Hevbendiya Niştimanî ya Sûrî / Wekalat