Bê diyardeyên kêfxweşiyê û bi şêweyekî xemgîn ji ber komkujî û koçberiyê, welatiyên parêzgeha Hesekê pêşiwaziya cejna Remezanê kirin û serdana gor û malbatên pakrewana rêweresma herî balkêş ya cejnê bû.
“Cejna îsal li bajarê Hesekê cuda bû ji cejnên salên bûrî” li gor xuyakirina çalakvanê siyasî Jîndar Berekat ji bajarê Hesekê ji malpera mere.
Berkat got “xelkên ku li bajêr mane cejna xwe bi serdana gorstina pakrewanên komkujiya Newrozê û malbatên wan derbas kirin bê ku ti şêweyên kêfê li cem wan peyda bibe”.
Bajarê Qamişlo mîna Hesekê , xwedî komkujî bû û hevpara wê ya xemgîniyê bû, miletê wê ti dîmenên cejnê li dar nexistin, bi tenê serdana goristanên pakrewana li Qidûrbek û Mehmeqeya kirin.
Aras Şemdîn welatiyeke ji taxa Qenat Elsiwês ya Qamişlo ye, ji malpera me re diyar kir ku wan ti şahî di cejna Remezanê de ne kirine weke rêzgirtinekê ji malbatên pakrewanên şewata navenda tenduristiyê li Cirnikê.
Jêder : Hevbendî