Hejmara miriyan di nav koçberên ji taxên Helebê bilind bûye û gihiştiye 15 kesan, bi sedema birînên giran yên ji encama oparesyona leşkerî ya di heyamê heyvekê de, û êrîşên berfireh yên rijêma Esed û Rûsiya û milîsên Îranê li ser bajarê Helebê.
Û ev koçberbûn ji encama dorpêçkirina bajarê Helebê demaê zêdetir ji sê heyvan, û hevdem ligel bombebarankirin û wêrankirina bajêr ji aliyê hêzên Esed û Rûsiya û milîsên girêdayî Îranê bi awayekî bitewşî û bi çekên qedexekirî, tevlî oparesyona wêrankirinê ya dibe her ji 15’ê çiriya paşiyê ve û heta niha û bûye sedemê şehîdbûna zêdetir ji 1500 kesî û birîndarbûna zêdetir ji 7000 kesên din û di nav de jin û zarok jî.
Îro roja pêncşemê hin çavkaniyan ji rêveberiya çapemenî û ragihandina serokatiya wezîrên Tirkiyê gotin, ku hejmara birîndarên hatîn rewanekirin bo nexweşxaneyên Tirkiyê ji 182 kesan zêdetir bûn û tevî jin û zarokan, û gotin ku birîndar hemû bi anbûlansan hatin veguhestin bo nexweşxaneyên wîlayeta Hetayî, bi rêka derwaza “Cîlifa gozo” ya Tirkiyê ya beramber derwaza “Bab Elhewa”ya sînorî, û diyar kirin ku di 72 zarok di nav birîndaran de hene, û 80 birîndarên din hatin raguhestin bo wîlayetên din, û wan jêderan tekez kirin ku 23 birîndar ji nexweşxaneyan derketin piştî wergirtina derman û çareseriya pêwîst.
Û ligor rêveberiya giştî ya rojnamevanî û weşan û ragihandina hikûmeta Tirkiyê, ku 8 koçberên Helebê yên dihatin çareserkirin di wîleyeta Hatayî de li başûrê Tirkiyê di roja duşemê di 19’ê çileya pêşîn de mirin, bi sedema derengxistina derketina wan ji Helebê, piştî ku bi giranî di hindur taxên Helebê de hatibûn birîndar kirin.
Û di nameya serokê Hevbendiya Niştimanî de bo sikirtêrê giştî yê NY û 25 dewlet û rêkxirawên din, têde raguhestina sivîlan ji taxên Helebê yên dorpêçkirî bi kiryarek koçberkirina neçarî dîtibû ligor yasa mirov ya navdewletî, û gotibû ku rêkeftin hat erêkirin ji ber ‘dabînkirina saxiya sivîlan, û herwiha ji wan daxwaza standina rêşûnên bilez û vebir kiribû ji bo parastina sivîlên Helebê.
Jêder: Nivîsîngeha Ragihandina Hevbendiya Niştimaniya Sûriyê