Duhî pêncşembê 4 zarok û zilamek birîndar bûn bi sedema bombebarana mûşekên teqîntund ji hêla hêzên Esed ve li ser gundekî parêzgeha Idlibê li bakurê Sûriyê.
Berevaniya Sivîl di alavên xwe yên ragehandinê de got ko hêzên rêjîmê yên li rojhelatê herêma Xan Şêxûn bicih bûne; gundê Elteh bi mûşekên teqîntund bombebaran kirine, di encamê de sivîlek û çar zarok birîndar bûne, û tîmên rizgarkirinê yên rêkxistinê ew ber bi navendên bijîşkî guhastine.
Çalakvanên xwecihî diyar kirin ko topbarana rêjîmê; ji bargeha hêzên wê ya li gundê Til Mereq derdikeve, û ew bombebarana bêserûber ji bo amanckirina bajarokên Elxiwên, Elteh, Um Celal û Elsikêk li gundewarê Idlib bû, û bû sedema birîndarbûna zarokan.
Her weha topbarana hêzên rêjîmê giha derdora gundê Xilse û gundê Elhumeyre li gundewarê Helebê yê başûr, di encamê de minara mizgefta bajarokê Zimar wêran bû, û ziyan giha milkên sivîlan.
Li parêzgeha Hemayê jî hêzên rêjîmê bi topxanyan derdorê bajarê Kefer Zêta û Elletaminê û gundê Elzekat û Hesraya û Elcenabire li gundewarê Hemayê topbaran kirin, lê tu nûçe li ser birîndarbûn an kuştinê tune ne.
Parêzgeha Idlib gelek caran dikeve ber bombebarana mûşek û topan ji hêla hêzên rêjîmê, û dibe sedema kuştin û birîndarkirina sivîlan, hem jî êrîşên firokên Rûsî jî li ser parêzgehê ya ko di peymana Tirkî-Rûsî de ye, ko li gor wê divaba bombebaran raweste û herêmên peymanê neyêne amanckirin.
Jêder: Ofêsa Ragehandinê ya Hevbendiya Niştimanî