Duhî roja duşemê, endamê “Tevgera Çaksaziya Kurdî” û nûnerê wê yê ENKSê, li gundekî bajarê Dirbêsiyê ji aliyê milîsên PYDê şaxê Partiya karkerên kurdistanê PKKê ya terorîst hat girtin, piştî girtina hejmarek ji serkirdeyê ENKSê.
Berpirsekî Encûmena Xwecihî ya Dirbêsiyê li ser rûpelê xwe yê “facebook”ê belav kiribû ku “Mihemed Fetah” endamê Tevgera Çaksazî li mala xwe li gundê Xatûniyê bê diyarkirina sedeman ji aliyê PYDê hate girtin û ber bi cihekê nediyar de hat birin.
Encûmena Xwecihî ya ENKSê daxwaza rawestandina kiryarên dijminkarî ji girûpên çekdar yên PYDê kir, û herwiha daxwaza destêwerdana civaka navdewletî û rêxistinên mafên mirov kir ji bo rawestandina van tawanan û serbestberdana hemû girtiyên siyasî.
Hêjayê gotinê ye ku dezgehên hewalgeriya milîsên PYDê bi hilmeteke girtina berfireh radibin li dijî çalakvanên sivîl û siyasiyan, ku hêjî hejmareke serkirdeyên ENKSê di girtîgehên PYDê de ne û ji wan: Fesla Yosif û Mehsin Tahir û Emîn Husam.
Û Berzan Hisên peyamnêrê kenala Zagros TV ji bajarê Rimêlan li parêzgeha Hisiçe ji aliyê heman milîsên PYDê ve hat revandin.
Herwiha ku Encûmena Niştimanî ya kurdî di daxuyaniyekê de siyaseta girtin û revandinê ya ji aliyê PYDê tête pêrewkirin şermezar kir, û daxwaz ji PYDê kiribû ku dest ji van kiryarên xwe yên terorîstî berde, yên dibin fakter bo zêdekirina nakokiyan û peydabûna seqayê dijîtiyê û ajotina civaka kurdî ber bi rewşek xirabtir de.
Dîsa ENKSê bang li civaka navdewletî û sercem rêxistinên maf û azadiya mirovan kir, da bi erkên xwe rabin , bi xistina fişaran li ser PYDê ji bo serbestberdana girtiyên ENKSê bi awayekî bilez, û destberdana ji van kiryar û biryarên ne rewa, û berpirsyaretiya yasayî û rewştî bi carekî xist li ser stûyê wan derbarê encamên metirîsdar yên dibin gef li ser binyatgeriya civaka kurdî û aştiya wê.
Jêder: Ofîsa Ragihandina Hevbendiya Niştimanî / Wekalat
