Doh li rêbendeke Gundewarê Idlib roja yekşembê 23.Tebaxê hejmarek ji Kurdan ji aliyê Cebhet Elnesra hatin girtin. Di dema ko diçûn Parêzgeha Helebê li gora ko mirovên wan gotin”Çekdaran li rêbendekê li Gundewarê Idlib ji her turumbêlekê hinek rêwî peya kirin û piraniya wan Karmend bûn û ew girtin û bê ko sedeman bêjin yan bihêlin ew xwe bidin naskirin.”
Tev li arîşeyên ko li ser Rêka di navbera Efrîn û Helebê de hene lê Rê çalak e, û ev ne cara pêşî ye ko hevwelatiyên Kurd ji aliyê Cebhet Elnesra ve têne girtin, bi sedema ko nakokî di navbera wan û Yekîniyên Parastina Gel de yên Partiya Yekîtiya Dîmuqrat hene.
Her wiha Rêkxistina Daiş ya tirorist roja Yekşembê bêtir ji 20 Sivîlên Kurd Jin jî di nav wan de hebûn ji Gundê Qolan revandin. Qolan di sînorê Gundên Ereban de li başûrê Kobanî ye, û ew bi aliyekî nediyar ve birin.
Tê zanîn ko Rêkxistina Daiş hêj bi dehan ji xelkên Kobanî li ba xwe girtine yên ko berî sal û nîvekê li gora nasnameyê ji Minbic, Reqa û Hesekê girtine.
Jêder: Hevbendî
