Rêkxistineke mafnasiyê ya xwecihî daxwaz kir ko hêzên Esed wekû rêkxistineke tirorist ko tawankariyên cengê derheqê sivîlên Sûriyê kirine, binav bibe, û dibîne ko rewşa wê wek ya milîtanên pasvanên şoreşger yên Îranî ye, ya ko Emerîka ew xistiye lîsta tiroristiyê.
Desteya Yasanasên Sûrî bîrdozeke yasayî duhî înê derxistiye, têde daxwaz kirine ko ‘’Elheres Elcemhûrî û firqa çarê ‘’ yên artêşa rêjîmê hem birêveberiya ewlehiyê û şaxên wê û birêveberiya cenga kîmawî û milîtranên PYD wek rêkxistinên tiroristî bêne ragehabdin.
Destnîşan kir ko pîvanên Emerîkî yên ko dewletan dike lîsta tiroristiyê li gor van hêzan e jî: “Elheres Elcemhûrî û firqa çarê” û berê Ewlehiya Leşkerî û birêveberiya Ewlehiya Asmamanî û ya Siyasî û nivîsgeha Ewlehiya Niştimanî û birêveberiya Cenga Kîmawî û birêveberiya lêkolînan û PYD.
Bîrdoz dibîne ko rêjîma Esed û rêjîma Îranê di piştgiriya tiroristiyê de şirîkin istiratîcî ne, ko li dijî berjewendiya erebî û yên biyaniyan li rojhelata navîn û cîhanê planan datînin û cîbicî dikin, hem digel hev piştgiriya milîtanên hizbulah û rêkxistinên mezhebperest li Îraqê û Sûriyê dikin.
Desteyê di bîrdoza xwe de got Elheres Elcemhûrî û firqa çarê ‘’ dezgehên ewlehiya Sûrî dewletek di hindirê dewletê de ne, kirêttirîn tawankarî û komkujî û tawankariyên cengê û tawankariyên li dijî mirovîniyê derheqê miletê Sûrî de bi hevkariya pasvanên şoreşger yên Îranî û hizbulaha Libnanî pêk anîne.
Bal kişand ser tawankariyên van firqan derheqê miletê Sûrî de pêk anîne, û tekez kir ko ev tawankarî yên berdewam tundî û kirêtbûna wan jiderveyî hemû dîtinên binpêkirinên yasayî û mafnasiyê ya mafên mirovan û li ser hemû xaka Sûriyê pêk tên.
Her weha amaje bi tawankariyên berdewam yên milîtanên PYD derheqê miletê Sûrî kir, ku tawankariyên cînosayid û qirkirin û koçkirina kotekî û guherîna dîmugrafî pêk tînin.
Ofêsa Ragehandinê ya Hevbendiya Niştimanî