Çekdarên Partiya Yekîtiya Demuqrat PYDê di sala 2017 de , di leşkerkirina zarokên temen biçûk de li heremên Kurdî li Sûriyê berdewam bûn, tevlî ku li ser hin peymanan di vî warî de bi rêxistinên navdewletî re imze kirine .
Parêzer Mistefa Misto endamê Encumana Niştimanî ya Kurdî ji mere da diyarkirin ku çekdarên PYDê di sala 2017 de bi dehan zarokên temen biçûk ji dibistanan revandin û birin kampên xwe yên leşkerî .
Her weha Misto diyar kir ku gelek ji wan zarokan di şerê bi komên çekdar re li Sûriyê jiyana xwe ji dest dan.
Parêzer Mistefa Misto bi tundî ev kiriyarên PYDê şermezar kir, û got “ew zarokên kurdan dikin mertal ji berjewendiyên xwe yên taybet re, û wan bê can ji malbatên wan re vedigerînin.”
Di dawiya gotina xwe de,Parêzer Mistefa Misto tekez kir ku ev kiryarên PYDê binpêkirin in herî giranin û prensîbin bingehînin yên ku mafên mirovan binpê dikin, û divê rêxistinên mafên mirovan fişarê li çekdarên PYDê bikin da ku ji kiryarên xwe yên çewt vegerin.
Jêder: Nivîsgeha Ragihandinê ya Hevbendiyê
