Medya xwecihî eşkere kir ku du kes di girtîgehên rejîma Esed û mîlîtanên PYDê di bin îşkenceyê de hatine kuştin, di dema ku Amerîka daxwazê ji Encûmena Ewlehiya Netewên Yekbûyî dike, ji bo vekirina doseya girtiyên Sûriyê.
Ajansa nûçeyan “Smart” duh li ser zarê çavkaniyên xwecihî ragihand ku “Walîd Abdo al-Şinan” ji gundê “Dibsi Şinan” ji Reqa di girtîgeha şaxê “248” ya îstîxbarata leşkerî de li devera Mezzê bi kehrebekirinê hate kuştin.
Ajansê got ku al-Şinan berî sê salan ji aliyê hêzên rejîmê bi tawanbariya “têkiliya bi komên çekdar re” hatibû girtin, û bal kişand ku xizmên wî bi rêya parêzerê wî bi mirina wî hatin agahdarkirin, bêyî radestkirina termê wî.
Ji aliyekî din, çalakvanên tora Furat Post ragihandin ku welatiyê sivîl Abdul Fetah Hamûd Al-Midhiş, ji bajarê (Al-Cirzî) li gundên Dêrazorê yê jidaîkbûyê sala 1977’an, di bin îşkenceyê de li kêlîngeha neftê ya “Omar” li gundewarê Dêrazorê hate kuştin, ku ji hêla milîsên PYD ve berî heyvekê hatibû binçavkirin, û termên wî nehat radestkirin ji xizmên wî re. û tê zanîn ku berî niha jî welatiyek bi navê “Mohemed Al-Subîh” ji gundê “Briha” li gundewarê bakurê Dêrazorê di meha borî di bin êşkenceyê de di girtîgehên van milîsan de hatibû kuştin.
Tora Sûrî ya jibo Mafên Mirovan di raporta xwe ya mehane de, pêr li roja yekşemê, eşkere kiribû ku 28 kes di bin êşkenceyê de hatine kuştin, 25 ji wan bi destê hêzên rejîma Esed, û sê kes jî ji aliyê milîsên “PYD” ve.
Torê bal kişandibû li ser hebûna kiryarên îşkenceya hovane ji hêla hêzên ewlehiyê ve di girtîgeh û navendên binçavkirinê de, ku bi kêmanî 14,227 kesên bi işkenceyê hatine kuştin dokument kirine, di nav de 177 zarok û 72 jin di zîndan û girtîgehan de, her ji adara 2011 ve heya cehzîrana 2019.
Jêder: Ofîsa Ragihandina Hevbendiya Niştimanî ya Sûrî
