Firokên Rûsya û Rêjîma Esed di hefteyekê tenê de sê nexweşxane û navendeke bijîşkî li parêzgeha Helebê wêran kirine. Di encamê de çend kes bûne qurbanî û hinek birîndar bûne, û hinek ji nexweşxanan ji xizmetê derketin.
Û firokên cengê yên Rûsya û rêjîma Esed nexweşxana Eletarib li gundewarê rojava û nexweşxana “Elensar Naşyonal” an jî “Biyûtî” li Kefernaha û nexweşxana Begdad li Helebê û navenda bijîşkî ya bajarê Biniş li gundewarê Idlib amanc kirin.
Çalakvanan anîn ziman ko Firokên cengê yên Rûsî pêr navendeke amadekirin û rahênanê ya bi ser berevaniya sivîl ve li bajarê Etarib li gundewarê Helebê, her wiha navenda perwerdeyê li bajar û dibistana amadeyî ya giştî amanc kirin, di encamê de hin kes şehîd ketin û ziyanin mezin gihandin navenda amanckirî.
Bajarê Helebê û gundewarê wê, doh û îro ketin ber êrîşên asmanî yên tund û bombebarana topan û taxên Elsikerî û Elsalihîn amanc kirin. Di encamê de kuştareke mezin di derheqê sivîlan de li taxa Salihîn pêk anîn û 10 kes têde şehîd bûn, û 2 sivîl li Elsikerî jî şehîd ketin.
Û îro jî bi egera bombebarana asmanî ya Rûsî li ser bajarê Endan li gundewarê Helebê yê bakur, çar zarok û jinek ji malekê şehîd ketin bi sedema avêtina mûşekên hejhejok bi ser taxên niştecihên bajêr de.
Û tîma berevaniya sivîl hewl dan ko xwe bigehînin cihê êrîşan, lê firokên cengê yên Rûsî dîsa vegeriyan û herêm bombebaran kirin û operasiyonên firandina firokan di ser re, û tevrabûn xistin nav milet û tîmên hawarhatina lezgîn û berevaniya sivîl li herêmê xwe amade kirin.
Rêkxistinên mafnasiyê yên navdewletî raportin belav kirin tekez dikin ko Rêjîm û Rûsya di siyaseta amanckirina cihên pêdiviyên giştî û nexweşxaneyan berdewam in. Rêkxistina Emnêstî Rûsya û rêjîma Esed bi amanckirina nexweşxanan di istiratîciya cengê de tawanbar kirin, ew jî li gora pêzanîn û belgehên rêkxistinê bidest xistine. Rêkxistinê got: “ev babet tawankariyeke di derheqê mirovantiyê de û binpêkirineke aşkere ye ji yasaya navdewletî ya mafê mirovan re.”
Firokên cengê yên Rûsî ji destpêka dijminkariya xwe li ser Sûriyê ve, bi mebest cihên bijîşkî û cihên xizmetên pêdivî yên giştî amanc dikin, di bêtirî salekê de bi dehan nexweşxane û cihên giştî û navendên berevaniya sivîl û dibistan û çi tiştê xizmetan li herêmên rizgarkirî wêran kirine.
Jêder: Nivîsgeha Ragihandinê ya Hevbendiya Niştimanî
