Encûmena Hozên şoreşger yên bajarê Izazê ya bi ser parêzgeha Helebê ve duh înê rawestaneke pirotestokirinê lidar xistin, li dijî siyaseta milîtanên QSD yên tirorist li dijî xelkên Minbicê a rojhilatê parêzgehê.
Pirotestokerên ko derketibûn rawestanê di vîdyoyeke wênekirî de, wek ko ew bi nav dikin ‘’Kurdkirina herêmên Erebî mîna Minbic, Til Rifet û Reqa’’ red kirine, û di rawestanê de ala şoreşa Sûriyê hildabûn.
Xwepêşanderan parçekirin û cudabûn red kirin û bang dikirin ‘’ Azadî her û her, te bivê, nevê, wa Esed, erê ji hemû pêkhatiyên civaka Sûrî re, em danîna sîsika dewletê divên‘’.
Li Rawestana pirotestokirinê bîst şêxên êl û hozên Erebî amade bûn, û têde hin gotar hatin xwendin û duruşm hildabûn û li ser nivîsandibûn: ‘’ na ji zordarî û gendeliyê re‘’ ‘’ şoreşa me berdewam e, yan mirin ya serkeftin‘’ .
Berê jî çendfîn xwepêşindanên wek vê di vê heyvê de li gundên rojhilatê bajarê Minbic derketine, di heman dema girtina pirotestokirinê ya dikanên bazirganiyê, ku têde yasaya leşkeriya neçar ya ko milîtanên QSD feriz kiriye red kirin.
Her weha wezareta bergiriya desthilata demkî berî sê rojan di daxuyaniyeke xwe de kampanya cîbicîkirina yasaya leşkeriya neçar ya ko milîtanên QSD li ser xortên bajarê Minbicê feriz kiriye red û pirotesto kir, û dibîne ew ne rewa ye.
Wezareta bergiriyê ya deshilata demkî milîtanên PYD yên tirorist tawanbar kirin ko ev biryara leşkeriya neçar ya feriz kirine ‘’ bi taybetî xizmeta hêviyên wê yên cudaxwaziyê dikin, û ew lidijî pirinsîbên miletê Sûrî ne, û li dijî hemû yasayên navdewletî û yasayên mafên mirovan e.‘’
Jêder: Ofîsa Ragihandinê ya Hevbendiya Sûrî
