Encûmena Islamî ya Sûrî diyar kir ku rejîma Esed û milîsên mezhebî yên hevalbendên wê hêj dorêçê li ser sivîlan li bajar û bajarokên Sûriyê ferz dikin, û ev kar li dijî biryarên navdewletî û yasaya navdewletî û yasaya navdewletî ya mirovî ne.
Encûmena Islamî ya Sûriyê di daxuyaniya xwe, doh roja Duşemê got ku” rejîma tawankar û hevalbendên wê ji grûpûn kîndar ên mezhebî hêj dorpêçê li gelek deverên Sûriyê ferz dikin”.
Encûmenê lêzêde kir ku”ew nahêlin xwarin û derman ji wan deveran re herin, herwiha nahêlin kesên nexweş derkevin yan jî derbas bibin”,ku di encama vê yekê de hejmarek kesan jiyana xwe jidest dan, herwiha tûşî nexweşiyên ji encama birçîbûnê bûne, mîna kêmbûna xwînê û lawazî û sistbûnê, û destnîşan kir ku ev yek “bi dirêbûna dema dorpêçê, dibe fakterê zêdebûna zehmetiyan”.
Encûmenê bal kişand ser wê yekê ku Xûta Rojhilat ji deverên herî pir zirar li wan bûye, bi sedema “hejmara zêde ya nişteciyên wê û dorpêça tund ya ji hemû aliyan ve”.
Encûmenê di daxuyaniya xwe de berdewam kir û got:” Mixabin ev tişt hemû di çerxê 21ê de û li ber çavê cîhanê dibin“,û tekez kir ku peyamnêr û rojnamevan û dezgehên navdewletî û tevahiya amrazên pêwendiyê“ wêneya rasteqîne eşkere dikin, û vê karesetê yekser vediguhêzin , û cîhan tiştekî nake. Ev yek şermek e ji cîhana nû ya modern re”.
Encûmenê şermezarkirina xwe anî ziman derbarê tawanên rejîmê û hevalbendên wê yên ku birçîbûnê dibînin, û nalenale qurbaniyan dibhîzin. herwiha Encûmenê bang li dewletên cîhanê bi hemû damûgezgehên wan û civaka Erebî û ya Islamî kir ji bo fişarê bixin ser rejîma tawanker, da dorpêçê ji ser Xûta Rojhilat û hemê deverên din hilîne”.
Encûmenê anî ziman ku divê tevahiya dezgehên xêrxwazî û mirovî alîkariyan bidne hev li gor binemayên fermî li her welatekî û alîkariyan bigihînin wan deveran.
Encûmenê di dawiya daxuyaniya xwe de bangawaziyeke mirovî arasteyî tevahiya damûdezgehên şoreşa Sûriyê kir, da tevbigerin û vê nameyê bighînin her deverekê di rêya lidarxistina xwepêşandanan û çalakiyên corbicor re.
Jêder: Ragihandina Hevbendiya Niştîmaniya Sûriyê