Encumena Niştimanî Ya Kurd destdirêjiyên Tirkan li ser deverên kurdî û bi tayberî bajarê Efrînê û derdorên wê şermezar kirin, û Encuman bang da civaka navdewletî û dewletên xwedîbandor ji bo destwerdanê bikin da wan destdirêjiyan rawestînin û deverê û xelkên wê dûrî derdesrî û bobelatên mezintir bikin, û lezê di dîtina çareseriya siyasî de bikin di riya Cinêv3 û bicihkirina biryara navnetewî ya 2254 re, û Encuman ji PYD xwest ku şerê hêzên artêşa azad nekin, da behaneyên gurkirina Turkiyê nehêlin. ev agahî di daxuyaniyeke Emîndariya Giştî ya Encumena Niştimanî ya kurdî li Sûriyê, ya îro şemiyê 20 sibatê de hatin.
Û di daxuyaniyê de hat ku hêzên Tirkiyê ji pêncşemê êvarî de bombebaraneke bêserûber li ser bajarê Efrînê û derdorên wê li bakurê Helebê pêk tîne, di encamê de kuştî û birîndar ji hevwelwtiyên Kurd ketin û ziyan gihan mal û milkên xelkê.
Daxuyaniyê nişan da ku ev bombebarana dijî sivîlan, bi behaneya pêşketin û nêzîkbûna Hêzên Sûriya Demoqrat ji sînorê Tirkiyê bû, bi hevrêzî bi rêjîmê re, û ji encama pêşketinên ku li gundewarê Helebê çêbûn di bin sîwana bombebarana asmanî ya Rûsiya de, her weha operasyona terorîstî ya ku erebeyeke leşkerî li Anqera ya paytexat, bû behaneyek din ku hikûmeta Tirk ew bikar anî ji bo asta gefên xwe li kurdan bilind bike, û tehdîdên destêwerdana bejayî di deverên Kurdî yên nêzî sînor de bide, ku wê di encamê de ew dever bibin meydaneke vekirî ji şer û tundûtûjî û wêraniyê re.
Jêder: Hevbendî