ENKSê di daxuyaniyekê de ji bo raya giştî ya cîhanî, kiryarên xirab ên ji aliyê PYDê û alîgirên wê li dijî nivîsîngehên ENKSê û partiyên wê dibin şermezar kirin, û tekez kir ku ev pêla kiryarên metirsîdar yên dibin ji aliyê PYDê û çekdar û alîgerên wê, ji bo veşartina têkşestinên xwe yên berdewam in, û dibin egerê peydabûna cudahî û fitinê di navbera gelê kurd de.
Di daxuyaniya ENKSê li roja çarşemê 15/03/2017an hat: “li heyva adarê ya gelek helkeft têde hene, wek Roja Cîhanî Ya Jinê û helkeftên kurdî mîna Roja Şehîdên Kurd ku têde çekdarên PYDê gef li malbatên şehîdên pêşmergên Roj xwarin, û rê li pêşiya serdana gorên şehîdan girtin, û herwiha kiryarên xwe yên terorîstî li dijî çalakvan û nivîsîngehên Encûmena Kurdî û partiyên wê zêdetir kirin, bi revandin û girtina zêdetir ji 50 endam û çalakvanên partiyên encûmenê û desteserkirin û kilîtkirina zêdetir ji 30 nivîsîngehên wê li gelek bajar û bajarokên kurdistana Sûriyê piştî êrîşên aligirên PYDê li ser wan nivîsîngehan û talankirina kelupelên wan bi armanca bidawîkirina jiyana siyasî û bizava cemawerî û civakî bi darê zorê”.
ENKSê tekez kir ku tevgera kurdî xudan serbor û paşmayek xebat û têkoşînê ye, ya di zehmetirîn qonaxên xebata nehînî de di serdema hikûmetên şofînizim û zordar de, lewra ev kiryarên tepeseriyê yên PYDê nikarin îradeya tevgera kurdî bişikînin û berê wê bidin karvdanên xirab yên bi armanca ziyanan bigehînin gelê kurd û doza wê ya netewî û rewştên wê yên mirovî yên wê tevgerê bi dehên salan bi peroşî xebat kiriye li pêxema bihêzkirina yekrêziya gelê kurd û wê berdewam be li ser têkoşîna xwe ya demokratîk û aştiyane bi bikaranîna hemû şêwazan ji bo pêkanîna mafên netewî yên rewa yên gelê kurd di destûra Sûriyê de wek dewletek federal û demokratîk û firealî.
ENKSê di dawiya daxuyaniya xwe de bangwazî li civaka navdewletî û hêz û partiyên kurdistanê û bizav û çalakiyên civaka kurdî kiriye, ji bo fişaran têxin li ser PYDê ji bo destberde û waz bîne ji van kiryarên xwe yên tepeseriyê yên berdewam li dijî ENKSê û partiyên wê bê hîç piransîbên siyasî yan netewî.
Jêder: beşê kurdî ji Ofîsa Ragihandina Hevbendiya Niştimanî
