Duhî roja pêncşemê 19/02/2017an, şanda Nivîsîngeha Pêwendiyên Derve ya ENKSê ku pêk hatibû ji berêzan: Kamîran Haco serokê nivîsîngehê û Fêsel Yosif û Silêman Oso û Kamîran Hac Ebdo endamên nivîsîngehê. ligel serokê karûbarê Sûriya û Libnanê, û cîgirê rêveberê karûbarê rojhilata navîn li avahiya wezareta derve ya Tirkiyê li Enqera civiyan, û gelek xalên giring ji bo herdu aliyan hatin gengeşekirin.
Şanda ENKSê hat li ser behsa civîna Mosko û rêkeftina agirbestê û herwiha li ser civîna çaverêkirî ku li Astana li dar bikeve, ji bo çespandin û giştgîriya rêkeftina agirbestê û rakirina dorpêçkirina ser navçeyên dorpêçkirî û derbaskirina alîkariyên mirovî, û ENKSê cext li ser giringiya beşdariya ENKSê di kongirê Astana de wek nûnerê gelê kurd li hemî astên navdewletî ji bo çareseriya kirîza Sûriyê kir.
Û herwiha cext li ser giringiya beşdariya nûnertiya pêşmergên Roj di civîna Astana de kir, û şanda ENKSê bal kişand li ser derdeseriyên gelê kurd li welêt û giringiya pêşkêşkirina hêsankariyan bo hemwelatiyên kurd yên nesax bo bên Tirkiyê ji bo çareseriya nojdarî, û ji aliyê xwe ve aliyê Tirkiyê tekezî li ser giringiya pêwendiyên herdu gelên Tirk û kurd kir, ji ber ku pêwendiyên dîrokî û cografî wan bi hev girêdidin.
Û xweşhaliya xwe nîşan da li ser pêwendiyên baş yên di navbera ENKSê û Tirkiyê de, û cext li ser giringiya pêşxistina pêwendiyan kir, û herwiha amaje bi pêwendiyên xweş yên ligel Herêma kurdistanê kir, û piştgiriya xwe ji mafên gelê kurd li Sûriyê re bi rêkeftina ligel xelkê Sûriyê tekez kir. û herwiha amaje bi pêwendiyên xweş yên di navbera ENKSê û opozisyina Sûriyê de di hindur Hevbendiya Niştimanî de kir. û piştgiriya xwe ji bo beşdariya ENKSê di Astana de kirin, û tekez kir ku Astana pêgavek destpêk û amadehî ye ji bo çûna Jinêvê û dîtina çareseriya Siyasî li Sûriyê.
Jêder: Beşê kurdî Di Nivîsgeha Hevbendiya Niştimanî De