Encûmena xwecihî ya bajarê Resten îro Înê gazî li Netewên Yekbûyî û Rêkxistinên Mirovî kir, da Ard ji bajarê dorpêçkirî re yê ko dikeve bakurê bajarê Hums li devera navîn ji Sûriyê dabîn bikin, piştî ko enbara wê bi yekcarî vala bû.
Mistefa Elhusên serokê Encûmenê got: “Ji hefteyekê ve nan li bajêr nema ye” û destnîşan kir ko “nirxê Ardê li hin dikanan maye pir bilind bûye, û Firne nema dikarin nan çê bikin”.
Elhusên diyar kir ko “Rêkxistinên xêrxwaziyê li bajêr rojane 29 400 Kîs (her kîsek 8 nan) didan, ji bo dabînkirina pêdiviya Sivîlan, lê belê nema dikarin Ard peyda bikin û tiştê di depoyên bajêr de bi yekcarî nema ”
Bêtir got”Nirxê heyberên xwarinê yên din jî bêtir bûye çimkî alîkarî ji 6 mehan ve nema derbas dibin.”
Bal kêşand “Sivîlan li pêşberî Encûmena xwecihî bi sedema rawestandina nan xwepêşindan kirin, û gazî li Netewên Yekbûyî kirin da alîkariyê ji bo dabînkirina nan bike.”
Tê zanîn ko bajarê Resten mezintirîn bajar li Gundewarê Hums yê Bakur e, Rêjîm ji çar salan ve ew dorpêç kiriye. Niştecihên bajêr 80 hezar sivîl in, ji nav wan jî derbiderên ji herêmên din ko hatine piştî rêjîmê taxên wan kontrol kirine.
Wezîrê derve yê Emerîkî Con Kêrî do hevdîtina digel hevkûfê xwe wezîrê derve yê Elmanî roja duşemba bûrî li Waşinton, rêjîma Esed tawanbar kir ko astengiyan li pêşiya alîkariyên mirovî datîne, piştî ko peymana rawestandina karên dijayetiyê dest pê kir.
Kêrî gotina xwe ji rêjîma Esed re şand û got: “hema hewl bidin ko hûn bi hinek sincî bibin” û dewam kir ko rêjîma Esed astengiyan li pêşiya hinek alîkariyên mirovî ko digihên datîne û wan didize.
Hevbendiya Niştimanî ya Hêzên Şoreşê û Hevrikiya Sûriyê, doz li Netewên Yekbûyî kir ko vekolînê der barê destdanîna hêzên Esed li ser alîkariyên ko bi ser Dêra zorê de avêtine bikin.
Nûnerê Hevbendiyê yê Yekîtiya Ewropî Miwefeq Nêrebiyê diltengiya xwe ji bo destdanîna Rêjîma Esed ser alîkariyên ko Pirograma Xwarinê Ya Cîhanî bi firokan bi ser Dêra zorê de berdane diyar kir, û doz li Netewên Yekbûyî kir da di van zêdegaviyan de vekolînê bike û ji carên dahatî re hişyar bin.
Hevbendî +Enadol
