Heryek ji Bergiriya sivîl û Encûmena xwecihî yên bajarê Helebê, daxwza destêwerdanek mirovî ya “bilez” kirin ji bona parstina Riya Kastêlo, ya ku ji çend rojan ve, rastî bombebarankirina hêzên Esed û mîlîşên (YGP) dibe.
Duhî roja çarşemê û di daxuyaniyeke hevbeş de, herdu dezgehên sivîl got ku riya Kastîlo rastî “êrîşeke terorîstî ya hovane” ji aliyê heryek ji hêzên rêjîmê û mîlîşên (PYD) ve dibe, tevî qutkirina Riya Sûtemeniyan bi awayekî berdewam û pêrewkirî, bi armanca rê bêne girtin li pêş derbaskirina alîkariyên mirovî bo nav bajarê Helebê “.
Herdukan ji sercem rêxistinên mirovî û yên navdewletî daxwaza” destêwerdaneke bilez kirin ji bona parastina Riya Kastîlo tak-dergehê Helebê, û herwiha daxwaza gerantîkirina berdewamiya xizmetgozariyên mirovî û parastina karmendên warê mirovî kirin”.
Herwiha ku îro heryek ji Riya Kastîlo û Gereka Elcendûl li Helebê bi bermîlên teqîner ji aliyê hilîkopterên rêjîmê hatin bombebarankirin, hevdem digel qutkirina wê ya berdewam ku ev kete di roja siyê de.
Û roja sêşemê li ser riya kastîlo, sivîlek hat kuştin û hin kesên din bi topbarankirina (YPG) hatin birîndarkirin, ew bi çekên giran û bi hawinan hatibûn armanckirin, herwiha sivîlek roja duşemê bi topbarankirina (YPG) li ser rê hat birîndarkirin.
Hêjayê gotinê ye ku rêjîma esed hejmarek ji bajar û bajarokên Sûriyê dorpêç dike, û rê li pêş derbasbûna alîkariyên xwarinê digire, wek bûyera vê dawiyê ya li Dareya li gundewarê Şamê, tevî binpêkirina herdu biryarên 2254 û 2165 yên Encûmena Ewlekariyê û tevî rêkeftina rawestandina karên dijminkarî ya pêdagiriyê li ser rakirina dorpêçkirin û gihandina alîkariyên mirovî û rawestandina bombebarankirina bêserûber û ya pêrewkirî li dijî sivîlan û serbestberdana girtiyan dike.
Jêder: Hevbendî
