Encûmena Xwecihî li Efrînê ya bi ser Encûmena Niştimanî ya Kurd li Sûriyê ve, biryarên Desthilata neçar ya Partiya Yekîtiya Dîmuqrat”PYD” derbarê rêbazên xwendinê û rewşa fêrkirinê li Efrînê red kirin.
Encûmena xwecihî di daxuyaniyekê de roja sêşembê 01.09.2015an, bang li tevaya kesên xêrxwaz yên di warê fêrkirin û siyasetê de kar dikin kir, ko berpirsiyariya xwe ya dîrokî derbarê nifşên dahatî û Gel hilgirin û bi evan xalên jêrîn bikin:
1. Zimanê Kurdî divê ji aliyê kesên taybetmend ve bête fêrkirin.
2- Dabînkirina Pertûka Dibistanê ya Wezareta Perwerde û Fêrkirinê ya dewletê heta ko li Rêbazên fêrkirinê bi hûrbînî bête nerîn, dûrî Partîtî û Idyolocyayê, û gerek danpêdan ji aliyê Dezgehên navdewletî yên taybetî xwendinê bi wan bibe.
3- Komgeha Perwerdeyê weke xwe bimîne, û kartêkirina wê ji nû ve bibe, çimkî çarenivîsa bêtir ji 5000 mamoste û hezarên şagirt û xwendekaran pê ve girêdayî ye.
4- kar bête kirin ji bo hemû keresteyên dibistanan li wan vegerin çi kursî, mase û mobîlya û komputer û alavên şirovekirinê.. hd, û amadekirina tîma fêrkirinê û pêdiviyên ji wan re gerek, dabîn bibin.
5- Giring e danûstandin bi hemû mamosteyan re, dûrî çi pîvanan bi wekhevî bê kirin.
6- Alîkariya Navendên xulekên taybet yê fêrkirinê li gora rewşa mamoste û xwendekaran bibe.
7- Hemû Dibistanên ko hatine girtin bi çi sedemê be bêne vekirin.
Tê zanîn ko Desthilata Neçar çend biryarên girêdayî bi guhertina Rêbazên xwendinê ji Sefa yekê ta ya sisêyan û biryara girtina Komgeha Perwerdeyê û hindek biryarên din jî derxistine.
Jêder: Hevbendî