Encûmen û desteyên Parêzgeha Dera û ya Qunêtra û Gundewarê Şamê daxuyaniyeke hevbeş roja Înê derxistin, têde kongreyê Soçî bi temamî red kirin û rewatî li ser kesên beşdaria wî bikin jî rakirin.
Desteyan tekez kirin ku ew ji xwestekên şoreşa Sûriyê nayên xwarê ku ew jî ev in, çûna Esed û rejîma wî ji ser desthilatê, avakirina desteyeke desthilata vehuhêz bi tevahiya desthilatan li gor biryarên navdewletî, û serbestberdana girtiyên li cem Rejîmê û eşkerekirina çarenivîsa kesên windyî.
Desteyên ku li ser daxuyaniyê îmze kirbûn dan zanîn ku ti rewatiya çi şandek yan desteyek ya encûmenek yan jî kesek biçe Soçî nine, û got ku dê rewatiyê li ser wan rake.
Herwiha serokê Encûmena parêzgeha Der’a Elî El-Selxedî ji ajansa Smart re ragihand ku ew dibînin her kesê ku beşdariyê di Soçî de bike ew dijminê gelê Sûriyê û şoreşa wî ye, û lê zêde kir ku Rûsya beşdariyê di kuştina welatiyên Sûriyê de dike û nabe ew aliyek garantor be di danûstandinan de.
El-Selxedî destnîşan kir ku ew bi niyet in ku her kesê biçe Soçî dadgeh bikin û got ku Sendîkaya Parêzerên Azad dozek li dijî beşdarbûyan vekirie berya destpêkirina kongirê ku dê di dawiya vê mehê de bi serpereştiya Rûsiyê lidar bikeve.
Wan encûmenan di daxuyaniya xwe de dît ku tevahiya kesên beşdar di kongir de di jêr çi navî de bin, ew xiyaneta Sûriyê û Şoreşa wê dikin, û soz dan ku wan dadgeh bikin, her weha dan xwuyakirin ku her biryarek ji Soçî derkeve wê ne rewa be.
Herwiha hin çalakvanên Sûriyê doh roja Înê xwepêşandanek li bajarê Kefir Nubil li başûrê bajarê Idlibê lidar xistin ji bo redkirina kongreyê “diyaloga niştîmanî Sûrî” yê ku li Soçî ya Rûsî dê lidar bikeve.
Di xwepêşandanê de hejmarek ji rûsipiyên bajêr beşdar bûn, û durişmên wek “Soçî riya rizgarkirina Esed e”, “Rûsiya nabe dadvan û dijimin be di heman demê de”
Ev yek di demekê de hat ku Desteya Bilind ya Danûstandinan kongreyê Soçî yê ku wê di dawiya vê mehê de li bajarê Soçî yê Rûsiyê dê lidar bikeve baykot kir, , piştî gengeşeyên tund û zehmet ligel şanderê navdewletî bo Sûriyê Stîfan De Mistura di civîna Viyêna de bi serpereştiya Neteweyên Yekbûyî.
Jêder: Ragihandina Hevbendiya Niştîmanî.
