Weltiyên Kurd li tevaya bajar û bajarokên parêzgeha Hesekê, û li ser vexwendinda xwecihiyên Encumana Niştimanî ya Kurd li Sûriyê ENKS, îro Şemiyê, 12 Adarê, li nav bajaran kom bûn û bîranîna 12mîn ya Raperîna Qamişlo vejandin.
Piştî rawestana 5 xuleyên bêdeng, ji bo rêzgirtina pakrewanên 12 Adarê, welatiyan berê xwe dan goristanên pakrewanan û gurzên gulan li ser gorên wan danîn
Gotinên bîranîna vê rojê ji hêla Ofîsa Karûbarên Pakrewanan ya bi ser ENKS ve hatin xwendin, têde kiryarên rêjîma Be′is hatin şermezarkirin û soza şopandina rêya Pakrewanan nû kirin.
Fadî Meri’î endamê emîndariya giştî ya ENKS, ji malpera mere ragihand ku çalakiya wan ya vejandina vê rojê, li ser biryara emîndariyê bû û got”me ev roja naskirî bi navê Roja Pakrewanên Kurd vejand, ji ber ku erkekî netewî ye, têde serdana gorên wan hate kirin û soza şopandina rêka wan hate nûkirin, ta ku gelê kurd û yê Sûrî bighêjin mafê xwe û sitemkarî were ruxandin” .
Her wiha endamê emandariya giştî ya ENKS ji malpera me re tekez kir ku rêwresmên vê bîranînê bi awayekî normal û bê tu astengî bi rêve çûn.
Tê zanîn ku di serhildana 12 Adarê de rêjîma Sûrî bêtirî 30 ciwanên kurd kuştin, û bi dehan birîndar kirin, û bi hezaran hatin binçavkirin û ta vê gavê lêkolîn tê de nehatiya kirin.
Jêder:Hevbendî
