Duhî bêhtir ji 40 sivîlan hatin şehîdkirin û bi dehan hatin birîndarkirin, ji encama pêkanîna sê kuştaran bi êrîşên firokên rêjîma Esed û dagîrkariya Rûsiya, li ser taxên Helebê û gundewarê wê û li ser bajarê Dareya li gundewarê Şamê.
Herwiha duhî taxên rizgarkirî yên Helebê rastî rojek xwîndar hatin, ji egerê bombebarankirina avahiyin wê bi bermîlan, ku para bêhtir ji hejmara qurbaniyan li taxa Elmeşhid ket, û herwiha 15 taxên din rastî bombebarankirinê hatin.
Û bajarê Atarib bi zêdetir ji 30 mûşekên enqûdî û fisforî û yên deng ji aliyê firokên dagîrkariya Rûsiya hat armanckirin, ku têde zêdetir ji 12 şehîdan û bi dehan birîndar ketin û hin zarok jî di nav qurbaniyan de hebûn, û 4 kesên din hatin kuştin di êrîşeka firokên Rûsiya de li ser bajarokê Abîn.
Û rêjîma Esed û milisên wê, taxên rizgarkirî li Helebê ji heyamê 19 rojan ve dorpêç dikin, piştî qutkirina otistrada kastîlo ya dibe take-dergeh bo bajêr û riya derbaskirina alîkariyên xwarinê û dermanan bo taxên rizgarkirî, ku rojane rastî bi dehan êrîşên hilîkoter û firokan dibin.
Duhî bi zêdetir ji 30 bermîlên teqîner bajarê Dareya hat bombebarankirin, û têde gelek ziyan li avahiyan bûn, herwiha li beyaniya îrojî bi 20 bermîlan hat bombebarankirin hevdem ligel hewlên hêzên Esed û milisên Hizibulaha terorîst bo ketina li nav bajarê dorpêçkirî ji sê salan ve.
Û taxên Der’a Elbeled rastî bombebarankirina mûşekên zemîn – zemîn û rokêtên topxane û tank û topên hêzên rêjîmê hatin, û têde 4 şehîd ketin, 2 ji wan zarok bûn, û li gundewarê rojava hêzên rêjîmê berdewam in li ser bomberêjkirina avahiyan li ser hêlên berokên bajarê Elyadûda, û rojane bi bombeçandina di xaniyekî yan du xaniyan de radibin û paşî diteqînin, piştî ku nikarîn derbas bibin nav taxên li ser hêla eniya yekê.
Duhî Ebdulehed Estêfo, endamê desteya siyasî ya Hevbendiya Niştimanî tekez kir ku rêjîma Esed û dagîrkariya Rûsiya û Îranê, dixwazin bimînin berdewam li ser tawanên zêdetir yên şer û kuştina sivîlan û armanckirina nexweşxane û jinavbirina jêrxana aborî, li şûna çûna ber bi çareseriya siyasî.
Û Estêfo daxwaza dîtina mîkanizmeka rawestandina tawanên şer yên berdewam li ser destê rêjîma Esed û hevalbendê wê, ji dewletên piştgir ji çareseriya siyasî re kir.
Li aliyek din Adil Elcubêr, wezîrê derve yê Si’ûdiyê di peyva xwe di lotkeya komkara Erebî de li Newakşot got ku rêjîma Esed rijde li ser bicihnekirina biryarên navdewletî û kuştin û wêrankariyê û koçberkirina xelkê Sûriyê”, û got ku çênabe “rola Esed û her kesê destê wî di rijandina xwînê de heye di paşeroja Sûriyê de hebe “.
Jêder: Hevbendî
