Yekîtiya rêxistinên arîkariyê û çavdêriya pizîşkî “UOSSM”, bang li Konseya Ewlekariyê û civaka navnetewî kir, ji bo cêbicêkirina biryara 2286 ya Konseya Ewlekariyê ya ji bo parastina navendên pizîştî û karmendên alîkariyê, û bang li civaka navnetewî kir ji bo kirîna alîkariyên mirovî yên lezgîn, ji bo pêdawîstiyên pizîşkî û dabînkirina war, xwarin, av û avrêjiyê ji bo deverên têne bombebarankirin.
Yekîtiya Rêxistinên “UOSSM” di daxuyaniyê de li ser sayita xwe ya fermî li ser medya civakî (Facebook) got, ku di 72 demjimêrên dawiyê de, zêdebûneke berbiçav ji êrîşên hewayî û topbaranê li ser Idlibê û Hemayê hatiye tomarkirin, û amaje bi kuştina 77 sivîlan û koçberbûna zêdetir ji 150 hezar kesî di heft rojên borî de kiriye.
Daxuyaniyê diryar kiriye ku piraniya bajarên li bakurê Hemayê bi temamî hatine valakirin, û bal kişandiye ku li deravên qerebalix, kamp û xanî ji derbiderên nû re peyda nabin, ku hejmareke mezin ji kesên bêmal hene.
Daxuyaniyê eşkere kiriye ku pênc dezgehên bijîşkî û pênc dibistan li vê heftiyê hatine bombebarankirin û ji kar ketine, û gelek nexweşxane û dibistan hatine jikarketin, ji wan “Nexweşxaneya Al-Lataminah, Nexweşxaneya Qali’et Almidîq, Navenda Alhbit ya saxlemiya destpêkî, Navenda Qasiton ya saxlemiya destpêkî, û Yekîneya neştergeriya kefrenbudah”.
Federasyonê amaje bi zêdetir ji 3.5 mîlyon kesî kiriye, di nav de 350 hezar li kampên penaberan, ku li devereke çavdêriya tenduristî dijîn, û xwarin, war û avrêjinî têde peyda nabin, û nikare barê nearamiyeke zêdetir hilgirê.
Federasyona rêxistinan diyar kir ku operasyona leşkerî ya ji 26’ê nîsana bihurî û krîza penaberan ku dê bibe gef li ser aştî û ewlekarîya cîhanê, û pêdagirî kiriye ku divê Konseya Ewlekariyê ya Netewên Yekbûyî û bi erkê xwe ji bo aştiyê û ewlekariyê rabe, her weha standina gavên pêşwext ji bo rawestandina şerê Idlib û pêkanîna çareseriyeke aştiyane bi awayekî bilez.
Jêder: Ofîsa Ragihandina Hevbendiya Niştimanî ya Sûrî
