Komelkujiyên rêjîma Esed û hevalbendên wî li bajarê Helebê, di pileya herî bilin de ne, di heyva tîrmeha bûrî de, ji destpêka şoreşê de, wek hewildanekê ji bo dorpêçkirina sivîlan û destdanîna ser bajêr.
Û komîta Sûrî ya mafê mirovan, pêkhatina 68 komelkujiyan di heyva tîrmeha bûrî de belge kiriye, wek bilindtirîn asta komelkujiyan di sala 2016an de. Her weha komîtê kuştina 2120 kesan belge kirine, 365 zarok û 207 jin û 37 kesên bin eşkenceyê de jiyana xwe jidest dane di nav wan de hene, ji lewra ev heyv bû bilindtirîn heyv ji aliyê hejmara qurbaniyan de di sala 2016an de.
Ji ber ku Rûsiya û Rêjîmê hejmara êrîşên xwe yên asîmanî li ser sivîlan di vê heyvê de pirtir kirine, ji bo birrîna takerêya derbasî taxên azadkirî yên bajêr dibe, ji lewra ev hejmara mezin ji komelkujî û qurbaniyan çêbû, û li bajarê Helebê bilintirîn hejmara komelkujiyan hat tomarkirin ku 32 komelkujî bûn, wek bilindtirîn pile di nav tevaya parêzgehan de ku wek wê li ti parêzgeheke din di heyvekê de ji destpêka şoreşa Sûriyê de çênebûye, her weha hejmara qurbaniyan lê giha 1008 kesan, û ew hejmara herî bilind e di nav parêzgehan de, û ew di nav heyvan de jî ya herî bilind e sebaret helebê, eger bê pîvan bi heyvên din yên vê sale re ji detpêka şoreşê de.
Her weha wê komîteyê pêkhatina 11 komelkujiyan li parêzgeha Idlibê û 7 li gundewarê Şamê û Himsê û 4 li Der’ayê belge kirine.
Ji wan komelkujiya 39 hêzên Rêjîmê kirine, û 19 jê balafirên Rûsî, anku 85% ji tevaya komelkujiyan, û 5 komelkujî yên Hevpeymaniya navdewletî hebûn, û ev hejmar jî ya herî bilind bû di vê salê de, û 4 komelkujiyên DAIŞê hebûn.
Û serokê Hevbendiya Niştimanî Ya Hêzên Şoreş û Rikberiya Sûriyê Enes Alabda,doh, di daxuyaniyekê de got ku”Rûsiya rola wê sereke ye di komelkujiyên cengê yên ku li helebê dibin de, û rola wê ya herî mezine di dorpêçkirina sivîlan de, û di her tişê ku em Karin navê wan bikin Tawanên Cengê, wek hewildanekê ji bo koçberkirina kotekî ji sivîlan re”, û amaje kir ku hewildanek ji Rûsiya û hevalbendên Rêjîmê û milîşên mezhebî heye, ji bo koçberkirina ew kesên di helebê de mane û tenê 10% ji xelkên wê ne, yên hejmara wan 3.5 melyon bûn û niha tenê 350 hezar mane.
Jêder: Hevbendî