Duhî roja pêncşemê, hikûmeta Sûrî ya demkî û encûmena parêzgeha gundewarê Şamê, bangewaziyek dan civîna bê ya konseya ewlekariyê ya çaverêkirî li heftiya bê bête lidarxistin, û wê rewşa mirovî li Sûriyê têde gengeşe bibe.
Cîgirê serokê hikûmeta demkî, Ekrem Ti’mê di kongirekî rojnamevanî de, daxwaza “standina rêşûn û rêçarên yasayî yên pêwîst ji bo rawestandina komkujiyên li dijî sivîlan û dorpêçkirina Xûta rojhilat” ji NY û konseya ewlekariyê kir.
Ti’ma weha jî got: “xelkê Xûtayê berpirsyaretiya cokên xwînê yên bidawî nabin dixin stûyê civaka navdewletî, bi sedema bêkariya wê li hember erkên wê yên mirovî derbarê tawanên dibin, û nekarîna rawestandina hêzên Rijêmê yên bi beşdariya Îranê û bi piştgiriyeke Rûsî ya bêsînor”.
Herwiha encûmena parêzgehê li demke pêştir “Rûsiya berpirsyar di ber tawanên Rijêmê de dîtibû ji ber ku ew ew dibêje ez navgîn im ji bo pêkanîna aştiyê, lê ew fişaran nade ser Rijêmê”, û diyar kir ku “Rijêmê bersiva wê agirbesta ji aliyê Rûsiya hatî ragihandin bi bêguhdan û berepêkan da”.
Û li aliyekî din û di heman mijarê de hin çalakvan rabûn bi ragihandina kampaniyeke elktironî bi navê ” Xûtê rizgar bikin” ji bo berçavkirina rewşa bajar û bajarokên Xûta rojhilat li jêr sîbera vê oparesyona leşkarî ya dawiyê.
Û xwepêşandanek li bajarokê Misraba li Xûta rojhilat bi beşdariya cîgirê hikûmeta demkî û serokê encûmena parêzgeha gundewarê Şamê û berpirsên xwecihî hat lidarxistin, û têde tablo û diroşim hatin bilindkirin wek: “Esed rûyê din yê DAIŞ e” û “terora Esed rawestînin”, “kanî wijdanê cîhanê? Mirovîniya we kanî?”.
Tê zanîn ku êrîşên hêzên Rijêmê li ser bajar û bajarokên Xûta rojhilat her ji dawiya heyva çileyê pêşiya borî û heta çend rojên borî zêdetir dibû û têde bi sedan kuştî û birîndar ketin.
Û bergiriya sivîl li Xûta rojhilat gotibû ku 234 sivîl bi sedema êrîşan ji wan 66 zarok û 42 jin di navbera 1 heta 8’ê reşmeha niha hatine kuştin û tevlî birîndarbûna 581 kesê din ji wan 184 zarok û 120 jin bûn.
Jêder: Ofîsa Ragihandina Hevbendiya Niştimanî
