Kampanya leşkerî ya berdewam û hovane li ser deverên kêmkirina şer li bakurê Sûriye ji hêla rejîma Esed û Rusya ve, di rojên cejna qurbanê de, bû sedema koçberbûna nêzîkî 100,000 kesî.
Li gorî raportên meydanî ku di çar rojên borî de, zêdetir ji 92,119 kes li parêzgehên Hema û Idlibê ji malên xwe koçber bûn, ji wan 40,461 kes di 48 demjimêrên borî de koçber bûne, ku piraniya wan hêjî li zeviyan û li ser riyên giştî dimînin.
Ajansa “Smart” ragihand ku bi sedan malbatên din ji tirsa êrîşên topbarana hovane pêdawîstiyên xwe yên sereke ji bo koçberbûna ber bi gundewarê bakurê Idlibê amade dikin.
Saziyên sivîl yên xwecihî bang li hemû sazîyan kirin ku stargeh, dibistan û kampan vekin, ji bo pêşwaziya hejmarek mezin ji koçberan, û bang li rêxistinên navdewletî kirin, ji bo dabînkirina hawarhatina mirovî ya lezgîn.
Hevdem ku berî niha jî, ji aliyê hin rêxistinên medenî û medyayê kampaniyeke mirovahî bi navê “Alîkar be” hatibû ragihandin, ji bo piştgiriya koçberên gundewarên bakurê Hema û Idlibê yên ji ber gulebarana hêzên rejîmê û Rûsyayê reviyane.
Ev koçberiya girseyî ya mirovan ji encama bombebarana asmanî ya tund ya hêzên rêjîmê û Rûsyayê li ser gundên Hema û Idlibê ye, ku bû sedema kuştina bi sedên sivîlan, û koçberbûna bi sed hezaran, û wêranbûna binesaziya deverên rizgarbûyî, nemaze nexweşxane û dibistan.
Jêder: Ofîsa Ragihandina Hevbendiya Niştimanî Sûrî
