Çalakvanên Der’ayê bangek ragihandin ji bo redkirina tevlîbûna ciwanan li nav hêzên rejîma Esed, weke bersivdanekê li ser kampanyaya ewlekariyê ya ji aliyê rêjîmê li ser parêzgehê ji bo neçarkirina ciwanan ji bo tevlî refên hêzên wê bibin, û ji aliyê çalakvanan kampanyeke medyayê di bin navûnîşana “Yaxiya Der’a” hat ragihandin.
“Koma azadîxwazên Horan”, daxuyaniyek li ser torên medyaya civakî belav kir, têde daxwaz ji ciwanan kir ji bo bimînin di malên xwe de li gund û bajarên xwe, û tekez kir ku li dema ku gefan li ser xwe qebûl bikin, dê bibin ardûyê kampanya hêzên Esed û Rûsyayê ya li dijî sivîlan li bakurê Sûriyê.
Û rewşeke nerazîbûnê li van rojên dawiyê li parêzgehê peyda bû, ji ber tengasiyên rojane ji aliyê organên ewlehiya rejîma Esed, û kiryarên girtinê bi rêya rêbendên leşkerî di navbera bajaran de.
Koma navhatî diyar kir ku hêzên Esed berî du rojan dest bi girtina ciwanên parêzgeha Der’a li ser rêbendan kirin, û ew neçarî pence-muhirkirinê kirin ji bo biçin navendên leşkerkêşiyê , herî zêde di dema heft rojan de, da tevlî hêzên Esed bibin yan jî ew dê weke kesên firar ji leşkeriyê bêne naskirin .
Herwiha organa Ewlekariya Dewletê ya rejîma Esed, berî du roj lîsteyên nû belav kirin bi navên kesên daxwazkirî ji xelkê bajarê “Inxil” li bakur-rojavayê Der’a, û lîste li ser deriyê mizgeftên bajêr hat daleqandin, û têde hişyarî derbarê serdana şaxên ewlekariyê dabûn.
Hêjayê gotinê ye ku ajansa “Lucky” ya Italî, raportek li ser rewşa li ser erdê li Der’ayê belav kiribû, û têde pêşbînî hatibû kirin li ser teqîna nêzîk ji rewşa derverê re ji ber polîtîkayên Esed, ajansê gotibû ku “Rûsya hebûna xwe ya leşkerî li bajêr û taxên wê kêm kiriye, ji ber pêşbîniya atmosfera giştî û teqîna rewşa ewlekarî û leşkerî “, û bal kişandibû li ser ku heye xirabiya rewşa aborî li parêzgeha bibe sedema vegera peydabûna aloziyan li deverê.
Tê zanîn ku tevgera xwenîşandanan careke din li çend bajar û bajarokên parêzgeha Der’a derketiye holê, piştî nêzîkî salekê ku ketin di bin kontrola rejîma Esed û alîgirên wê de, û di van çend hefteyên dawî de careke din gelek xwepêşandan ji bo şermezarkirina tawanên rejîma Esed û alîgirên wê li der’a al-Beled derketin, û xwenîşanderan berdewamiya xwepêşandanên xwe dupat kir, tevî zibruzenga organên ewlekariyê.
Jêder: Ofisa Ragihandina Hevbendiya Niştimanî ya Sûrî
