Hêzên rejîma Esed û Rûsya di pêkanîna tawanan li dijî sivîlên bêçek li bakurê Sûriyê berdewam in, û çalakvanan diyar kir ku ji aliyê wan hêzan bi rêya êrîşên esmanî komkujiyeke tirsnak li bajarê “Kefrnibl” li gundewarê Idlibê hat pêkanîn.
Li gorî parastina sivîl li Idlibê , komkujî duhî li bajarê “Kefrnibl” ji aliyê balafirên rejîmê û Rûsya hat pêkanîn, û têde wek serjimêriyek destpêkî, neh kes şehîd bûn, di nav de sê zarok û du jin, ligel birîndarbûna 10 kesên din, di nav de sê jin û sê zarok.
Û du welatiyên din ji yek malbatê hatin kuştin, û birîndarbûna yekî din li bajarê “Xanşîxon” ji ber topbarana bajêr ji aliyê hêzên rejîmê bi sê rokêtan.
“Tîma Kordînatorên Bersivdanê li Sûriyê” got ku ji aliyê wê, her ji 2’ê reşemehê û heta roja duşemê, kuştina 492 welatiyên sivîl, di nav wan de 144 zarokên kur û keç hatiye belgekirin.
Li gorî raportê, hejmara herî mezin ya qurbaniyan li Idlibê ye, bi ketina 366 qurbaniyan, û Hema bi 110 qurbaniyan, li pey wê parêzgeha Helebê bi 14 qurbaniyan, û parêzgeha Laziqiyê bi du qurbaniyan.
Raportê ragihandiye ku ji aliyê tîmên wê yên li ser erdê, koçberbûna zêdetir ji 60 hezar malbatan (374 hezar kesî) hatiye bi belgekirin, ku li ser zêdetir ji 34 deveran hatine belavkirin.
Ji encama berdewamiya êrîşên leşkerî yên hovane yên hêzên rejîmê û Rûsya li ser gundên Idlib û Hemayê, tirajediya bi hezaran kesên derbider li çol û çolistan û kampên bêserûber zêdetir dibe, ligel berdewamiya hatina malbatan ji gundewarên Hema û Idlibê.
Hêjayê gotinê ye ku Konseya Ewlekariyê bi ser neket di derxistina biryarekê de ji bo rê li ber êrîşên bombebaranê bigire, û Hevbendiya Niştimanî ya hêzên şoreş û rikberiya Sûriyê tekez kiribû ku ev yek dê bandoreke wê ya neyînî hebe li ser pêvajoya siyasî û rewşa mirovî, û piştrast kiribû ku jiyana zêdetir ji çar milyon kesî di metirsiyê de ye.
Jêder: Ofisa Ragihandina Hevbendiya Niştimanî ya Sûrî
