Encûmena xwecihî ya bajarê Dûma rojhelatê Şamê diyar kir ko 73 sivîl li bajêr bi sedema bombebarana rêjîmê û hêzên Rûsî şehîd ketine, û 27ê din bi sedema bombebarana rêjîmê bi gaza kilora jehrîn di meha çileyê paşî 27 kes xeniqîn.
Di serjimarekê de ko encûmena xwecihî li malperên danûstandina civakî (Facebook) belav kiriye, dibêje ko li bajarê Dûma di çileyê paşî yê borî de 73 sivîl 10 ji wan zarok in û heşt jin hatine kuştin, û bêtir ji 1100 kesên din ku 300 zarok û 200 jin di wan de hene birîndar bûne.
Encûmena xwecihî anî ziman ko wan karîbû 27 rewşên fetisandinê belgeh bike, ew yên ko bi sedema du caran bi 16 mûşekan ko bi gaza kilora jehrîn barkirî bûn di 13 û 22 çileyê paşî de çêbû.
Encûmena xwecihî di raporta xwe de destnîşan kir ko bombebarana tund li ser bajêr hişt ko bêtir ji 800 xanî wêran bibe û dora 14hezar xwendevan ji xwendinê bêpar bibin ji ber dibistan rawestiyane.
Encûmena xwecihî ya Dûma pêncşemba borî bang li civaka navdewletî kir ji bo têwerdanê bikin û hêzên rêjîmê ji bombebarana bi çekên kîmawî rawestînin, piştî ko ev cara sîyem e bajar bi gaza kilorê bombebaran dibe.
Berê jî çalakvanên xwecihî yên Xûta rojhelat berî çend rojan kuştina 361 kesan belgeh kirine, ko hêzên rêjîmê heyva borî herêm bombebaran kiriyne û di hin êrîşan de gaza kilor bikar aniye.
Piraniya herêmên Sûriyê ketine ber êrîşên rêjîmê û hevalbendên wê, ko berdewam peymana kêmkirina şer ya ko civînên Astana biryara wê dane binpê dikin.
Hevbendiya Niştimanî ya Hêzên Şoreşê û Rikberiya Sûriyê dibîne ko Rûsya di hemû erkên xwe de û bi taybetî yên bi rêgirtina li ber Esed bo peymana agirbest têk çû.
Jêder: Nivîsgeha Ragihandinê ya Hevbendiya Niştimanî
