Duh sêşembê gelek ji xelkên bajarê Minbicê li gundewarê Helebê yê rojhelat li dijî kirdeyên milîtanên PYD derheqê sivîlan derketin xwepêşindanan, û daxwaz kirin ko ew kiryar rawestin û milîtan ji herêmên wan derkevin.
Dezgehin ragehandinê yên xwecihî gotin ku gelek xwepêşindanên mezin ên ku xelkê daxwaz kiribûn li gundê O’n Eldadat çêbûn, piştî ko yekî gundî (Mistefa Nadir) bo birina leşkeriya neçar hatibû girtin.
Çalakvanan anîn ziman ko milîtanên PYD fîşek di ser xelkê re avêtibûn da wan bitirsînin û xortên temenê leşkeriyê bi kotekî bibin tevli rêzên xwe bikin.
Berê jî niştecihên Minbic dijî kirdeyên PYD derketine û red kirine zaroyên xwe bişînin leşkeriya neçar ji bo li gel milîtanên PYD şer bikin, û mangirtineke giştî tevlî girtina dikanên bazirganiyê ragehandibûn.
Di rojên vê dawiyê de tevgereke sivîlî li dijî kirdeyên milîtanên PYD li herêmên ko lê belav in çêbûye, û tekez kirine ko operasiyonên kuştin û koçkirin û revandin û girtina siyasetmedarên Kurd li gora yasayên navdewletî tawankariyên cengê ne.
Hevbendiya Niştimanî ew kirde pirotesto kirin û tekez kir ko ew bi amancên miletê Sûrî di salên tekoşîna wê li dijî rêjîma zordar û milîtanên bi ser ve pabend e, û got ku amanca sereke ya şoreşê rizgarkirina miletê Sûrî li tevaya xaka welat e, bêyî çê zordarî û tiroristî bimîne û karibin karûbarên xwe bi xwe birêve bibin.
Jêder: Nivîsgeha Ragihandinê ya Hevbendiya Niştimanî
