Malbat û xwediyên girtiyên Kobanê yên ligel DAIŞê bang li rêxistinên mafên mirovan dikin ji bo diyarkirina çarenivîsa xizm û kesên xwe.
Di bin navê kampanya “Em Girtîyên Xwe Dixwazin”, malbatên girtiyan bangawazî dan rêxistinên mafên mirovan û hêzên hevpeymaniyê û hemû hêzên xêrxwaz.
Çalakvan Ferhan Mihemed ji me re ragihand ku zêdetirî 500 girtî ji Kobanê li cem DAIŞê ne, û ta niha çarenivîsa wan ne diyar e, “xwediyên girtiyên Kobanê dixwazin rewşa zarokên xwe zanibin lê ta niha ti aliyan alîkarî bi wan re nekirye”..
Derbarê rola çekdarên Partiya Yekîtiya Demuqrat PYDê ji bo azadkirina girtiyan, Mihemed da zanîn ku ta niha çekdarên PYDê ti kar nekirine û xelkê Kobanê berpirsiyariyê dixin histê wan ji ber ku karîbûn girtiyan bi hev biguhêrin lê nekirin.
Her wiha Mihemed tekez kir ku DAIŞ li sûriyê bi dawî dibe, lê çarenivîsa zarokên xelkê ne diyar e, ji ber vê yekê xwediyên girtiyan pir li ser wan ditirsin.
Tê zanîn çekdarên DAIŞê bi sedan xelkên sivîl sala 2014 li ser riyan girtin û birin girtîgehên xwe.
Jêder: Beşê Kurdî ji Nivîsgeha Ragihandinê ya Hevbendiyê