Di bin silogana ( na ji koçberiyê re) bi sedan welatî û alîgirên Encumana Niştmanî ya Kurd li bajarên parêzgeha Hesekê îro Şemiyê 5 êlûnê li ser banga Emaneta Giştî ya ENKS li ber bargehên xwecihiyan beşdarî mangirtinê bûn.
Li bajarên ( Qamişlo – Dêrik- Tiltemir-Dirbêsiyê-Amûdê- Girkê Legê – Çilaxe) kesên ku di mangirtinan de beşdar bibûn siloganên li dijî sedemên koçberiya ku desthilata neçar ya Partiya Yekîtiya Demuqrat peyda dike bilind kirin mîna leşkeriya neçar- bac – binçavkirina çalakvan û siyastmedaran- qedexekirina ragihandinê….
Çinar Mir’î serokê xwecihiya Girkê legê ji malpera me re da zanîn ku wan ev mangirtin li dijî sedemên koçberiyê li dar xistine, ji ber ku herêm li ber guhertineke dîmografî ye û ew yek cihê metirsiyê ye li cem wan.
Mir’î xwest di riya malpera me re dengê xwe bighîne civaka navdewletî da ku dest têwerdanê di kirîza Sûrî de bikin û bi erkê xwe yê mirovahî rabin, cimkî miletê Sûrî bûne nêçîra bazirganên mirovan û xwarina masiyan.
Jêder : Hevbendî
