Malbatên şagirtên asta seretayî li bajarê Amûdê duh Duşemê 12 Cotmehê, li dijî girtina dibistanan ji aliyê rijêmê ve, û rêbazên xwendinê yên ku rêveberiya xweser ferz kirine mangirtinek lidar xistin.
beşdaran silogan û durişmên dijî girtina dibistanan ji hêla rêveberiya perwerdê ya rêjîmê û rêbazên nû bilind kirin û ew kiryar şermezar kirin.
Şêrîn Ibrahîm diya şagirtekî ye di mangirtinê de beşdar bû ji malpera me re diyar kir ku mebest ji kiryara rêjîmê û rêveberiya xweser ew e ku gelê kurd ji devera xwe koçber bibin.
Ibrahîm berdewam kir û got” em ne li dijî fêrkirina zimanê kurdî ne lê ne bi vî şêweyî, ji ber ku ev rêbazên xwendinê ne ji hêla kesên pispor hatine amadekirin û ne mamostê wan pêkhatî ne, ji bilî rahiştina zimanê Ingilîzî ji rêbazan” .
Ibrahîm nîşan da ku ew li Amûdê derketine da ku dengê xwe bigihînin rêxistinên navdewletî mîna (Yûnêsko û Yûnisêf), û tevaya welatiyan li bajar û bajarokên din ji bo ku xwepêşandan û mangirtinan li dijî van kiryrên xerab lidar bixin.
Jêder:Hevbendî
