Artêşa Azad di çarçoveya “Mertala Firatê”, sê gundên din li navçeya Babê ya ser bi parêzgeha Helebê ve rizgar kirin, û herwiha civîneka efserên Rûsiya li gundewarê Hemayê ji aliyê şoreşgeran hate armanckirin û têde hejmarek ji wan hatin kuştin.
Û ji aliyê hin çalakvanên gundewarê bakurê Helebê, kontrolkirina gundên “Tilbetal” û “Elşêx cerah” û “Şibîran” ji aliyê artêşa azad ragihandin, û têde 12 çekdarên DAÎŞê hatin kuştin, û 7 şoreşger ji artêşa azad birîndar ketin, herwiha du otombêlên mînkirî yên DAÎŞê hatin têkbirin.
Li aliyek din û hevdem ligel pêşketinên artêşa azad li Babê, duhî fermandarê “Cêş Ele’za” ya ser bi artêşa azad li Hema û ji encamê armanckirina kombûneka efserên Rûsiya di hindur “bargeha ewlehiya serbazî” de li bajarê Elsiqîlibiyê li gundewarê Hemayê û kuştina hin efserên Rûsiya ragihand.
Ji aliyê xwe ve, Abada Elhemwî, rêveberê nivîsîngeha ragihandina artêşa Elfeteh, kuştina hin efserên Rûsiya di bombebarankirina civînekê de tekez kir ku bi mûşekên Girad hatin bombebarankirin ji aliyê çekdarên artêşa Elfetih, piştî kuştina çar serbazên hêzên rijêmê û di nav wan de efserek jî hebû di dawiya heyva bûrî de li bajarê Soran li Hemayê.
Herwiha ji aliyê xwe ve, Hevbendiya Niştimanî ya hêzên şoreş û rikberiya Sûriyê destxweşî li xweragirî û pêşketina şoreşgeran kir tevî baredoxên zehmet, û daxwaza yekrêziya hemû hêzên artêşa azad di bin sîwana pirojeyê niştimanî kir.
Hevbendiya Niştimanî bal kişand ku şoreşger şerên berxwedanê yên giran li Helebê û gundewarê wê li dijî milîsên Beşar û hevalvendên wî dikin, û herwiha bal kişand ku hêjî Rûsiya bi rolek dijminkarî li dijî gel li gundewarê Hemayê radibe.
Jêder: Nivîsîngeha ragihandina Hevbendiya Niştimaniya Sûriyê
