Mihemed Elî Îsa Endemê Hevbendiya Niştimanî ya hêzên şoreş û rikberiya Sûrî, ragihand ku bi destpêka şoreşa Sûrî re kurd li tevaya Sûryê beşderî wê bûn, û ev yek normale ji ber ku gelê kurd gelek ziyan ji rêjîma Be’sî dîtiye, û raprîn lidar xistine lê rêjîmê vedimrandin.
Îsa da zanîn ku rêjîmê xwest ku kurdan dûrî şoreşê bike da ku rengê niştimanî ji ser şoreşa gelê Sûrî hilîne, û xwest pêwendiyê bi partiyên kurdî re bike lê ewan partiyan biryara tevlîbûna şoreşê dabû, lewma berê xwe da Prtiya Yekîtiya Demorat PYD ya lawaz ku amadebûn destê xwe bidin yê rêjîmê, ji ber wan ji berê de bi rêjîma Îranî û Iraqî re rêkeftin pêk anîne, û bi vî awayî PYD bû desteka rêjîma Be’sî di vemirandina şoreşê de li deverên kurdî, û 19ê Tîrmeha 2012 rêjîmê hemû saziyên xwe radestî wan kirin.
Îsa got: ew di sekinandina xwepêşandanan û kuştina xortan de bi ser ketin, û yekemîn xort ku kuştin ew Welat Hesê bû, û komkujiya gundê Til Xezal hê di bala me teva de ye.
Her wiha Îsa diyar kir ku “piştî çend salan ji rêkeftina PYD bi rêjîmê re ku destpêkê ew rêkeftin red dikirin, û niha pêşxistine û ciwanên kurda ji bo berjewendiyên rêjîma Esed dikin leşker.
li ser rola PYD di parçeyên din yên Kurdisatnê de Îsa got “ewan rêkeftin bi Heşda şebî re kirin dijî Pêşmergeyan û serokatiya herêma Kurdistanê , li Îranê raperîna ku ji bo Ferînaz Xisrewanî dest pê kir vemirandin , li Sûryê Menbic radestî Esed kirin û di demeke nêz de bakurî Helebê û Efrînê jî, yan wê radestî Esed bikin yan jî rê ji bo Turkiyê bidin ku navendên xwe yên leşkerî lê ava bikin.
Sebaretî rêvebirina wan ji deverên kurdî re, Îsa emaje bi têkçûna wan di hemû waran de kir “di warê tendurstî de , yê çandiniyî , yê sincî û civakî , yê siyasî , welatî koçber kirin û bi wê yekê dîmografiya deverê guhrtin ango di çend salan de tevaya daxwazên rêjîmê pêk anîn.
di dawiya axaftina xwede Îsa nîşan da “dawiya PYD wê bi dawiya rêjîmê re be, û Encumana Niştimanî ya Kurdî wê di rêbaza xwe ya aştiyane de berdewam be, û bimîne beşek ji opozisyonê ta avakirina Sûryeke azad demukrasî têde kurd bighên mafê xwe yê rewa“.
Jêder: Ragihandina Hevbendiya Niştimanî /Beşê Kurdî
