Alavên ragehandina xwecihî diyar kirin ku milîtanên îranî yên mezhebperset di çend rojên bûrî de, dest danîne ser malên welatiyan li dêrazorê herwiha çend navendên dewletê.
Tora ‘’Dêra Zzorê 24’’ got ku milîtanên îranî giraniya kampaniya xwe dabûn ser bajarên mezin li Dêra Zorê wek navenda bajarê Dêra Zorê, Meyadîn û Bûkemal, û operasiyona destdanîna ser deveran; hin bargehên ewlehî yên valakirî û fermandariyên dewletê dane ber xwe.
Toreyê bal kişand ser ko milîtanên Hizbullaha tirorist digel hêzên “Elheres Elcemhûrî” bûn, û dest danîn ser bi dehên malan li herêmên kolana Elneher li nava bajarê Dêra Zorê. Destpêk ji bal mizgefta Enes Bin Malik bû, heta giha pira ku berê navê wê “Elbas” bû, hem çend mal li taxa Elerîdî û kolana Bor Seîd ya himber çiya ye.
Bêtir got ko li bajarê Meyadîn milîtanên Îranî li taxa Elsînaa destê xwe danîn ser bi dehên malan li pişt dibistana Elsînaa, ev mal yên sivîlên bajarê Elşihêl yê li gundewarê Dêra Zorê ne, her weha li herêma Elkornîş destê xwe danîn ser malan û avahiya Eltenmiye Elrîfîye û avahiya dezgeha çemento li taxa Eltîba, her weha li derdora mizgefta Elnûr dest danîn ser çend malan ji wan jî xaniyê Dr. Ehemed Elşueybî.
Li gora toreyê, li bajarê Ebû Kemal, milîtanên Elheres Elsewrî yên Îranî û milîtanên Elnuceba çend mal li taxa Tobîye li rex mizgefta Elhisên û çend malên din li rex çargoşeya ewlehiyê ji wan jî mala Hisnî û Yûsif û Hesan Elhebeşat û Ebdulah Elfethî kontrol kirine, her weha destê xwe danîne ser çend malan li taxa Elketif ya li ber çem û çendên din yên li taxa Elcemiyat ya ko ji hêla milîtanan ve dagîr bûye.
Hevbendiya Niştimanî ya Hêzên Şoreşê û Rikberiya Sûriyê hişyarî ji belavbûna Îranî da, û daxwaz ji civaka navdewletî kir ko rê li ber tawankariyên van milîtanên mezhebperest derheqê sivîlan de bigirin.
Her weha serokê desteya danûstandinên Sûrî di kongirekî rojnamevanî de li paytexta Siûdî li Riyadê hefteya bûrî derbarê rola Îranê di dagîrkirina Sûriyê de, tekez kir ko ew çareseriya siyasî asteng dike. Û got ku Îran şerê miletê Sûrî ji dêvla Esed ve dike, û got ku dora 100 hezar şervanên Îranî an yên pê ve girêdayî li welat hene.
Elherîrî bal kişand ser ku ‘’ li ser hisabê miletê Sûrî her û her rola Îranê mezintir dibe, ji ber vê em piştgiriya alaveke navdewletî dikin ko rê li ber destdirêjiya Îranê li herêmê bi tevayî û li welatê me bi taybetî bigire‘’.
Jêder: Ofêsa Ragehandinê ya Hevbendiya Niştimanî
