Duhî roja înê 13 hemwelatiyên Sûrî ku pênc ji wan jin û zarok bûn bi sedema bahozeke befrbaranê li navçeya rojhilatê Deriya Sipî jiyana xwe jidest dan dema bi qaçaxî derbasî Libnanê dibûn.
Çalakvanekî Sûrî yê li Libnanê daxuyaniyek da ajansa Smrat û got ku, termê koçberan li çiyayên derdora bajarokê Elsiwêrî, di riya qaçax ya bajarokê Elmesne’h de ya li ser sînorê di navbera Sûriya û Libnanê de ji aliyê hêzên artêşa Libnanê ve hatin dîtin, û termên wan bo nexweşxaneyên navçeya Elbiqa’h hatin rakirin.
Wî çalakvanî got ku termên koçberan dûrî bajarokê Elsiwêrî bi qasî du demjimêran bi meşê di keş û hewaya normal de hatin dîtin, û got ku ew derbas dibûn dema bahoza berfê di xurtiya xwe debû.
Û asayîşa giştî ya Libnanê tekez kir ku hejmarek termên koçberên Sûrî yên hewla derbasbûna Libnanê dikirin nêzîk xala Elmesn’h ji aliyê wan ve hatin dîtin, û tekez kir ku 10 termbûn û ji girûpeke ji 30 kesî pêk dihat, hewl didan bi qaçaxî derbasî sînor bibin ji aliyê çiyayê Elsiwêrî ber bi Libnanê ve.
Ji aliyikî din ve, şaredariya MecedeI ‘encer ya Libnanê mangirtinek lidar xist bi beşdariya serokê wê Se’îd Husên Yasîn û serokê weqfa karubarên Islamî li navçeya Elbiqa’ Şêx Mihemed Ebdulrehman, ji bo daxwaza “çarenivîsa penaberên Sûrî nehêlin di destê qaçaxçiyan de” û rê li pêşiya derbasbûna penaberan bi yasayî bête vekirin.
Ku penaberên Sûrî li kamp û dewletên cîran gelekî zerermend bûne ji bahozên berif û baranê û gelek ziyan gihiştine xêvet û konên wan û hejmarek zarok û kalmêr jiyana xwe bi sedema vê yekê jidest dane nemaze ji ber kêmiya alav û ardûyê germkirinê û lawaziya alîkariyên têne pêşkêşkirin.
Hêjayê gotinê ye ku li demekê pêştir lêkolînek hevbeş ji aliyê çend rêxistinên navdewletî hatibû pêkanîn û li 9’ê vê heyvê hatibû belavkirin û têde hatibû tekezkirin ku zêdetir ji nîvê penaberên Sûrî li Libnanê bi hejarî dijîn û zêdetir ji 75% ji wan dibin hêla hajariyê de dijîn.
Û dezgehên ragihandina Libnanê tekez kirin ku hêjî karê lêgerînê berdewam e û pêşbîniya dîtina hin termên din tê kirin ku dibe pêwendî di navbera wan peraberan de hatibe birîn li dema bi qaçaxî derbas dibûn, hevdem ku qurbanî bo nexweşxaneyên navçeyê hatin rakirin.
Jêder: Ofîsa Ragihandina Hevbendiya Niştimanî / SMRAT
