Hejmara zarokên şîrmij ên li Xûta rojhilat mirine di deh heyvên borî yên sala 2017’an de, gihişt asta herî bilind, bi sedema dorpêçkirina wê ji aliyê hêzên rêjîma Esed û milîsên hevalbendên wê ve, û qedexekirina gihandina xwarin û dermên bo xelkê Xûta rojhilat.
Ku zêdetir ji hezar zarokên sava niha li jêr tirsa mirinê dijîn bi sedema kêmketina xwarin û dermên, tevî ku rojane mirin di nav zarokên sava de zêdetir dibe.
Ji aliyê karmendên nexweşxaneya taybet ya gundewarê Şamê, zaniyarî ketin destê dezgehên ragihandinê de, ku hejmara zarokên li Xûta rojhilat mirine her ji sala 2014 heta sala 2016 gihiştiye 527 zarokan, û ligor defterên tomarkirina nexweşxaneyê, û 227 zarokên pêçekê sala 2017’an mirine.
Encûmena Xwecîhî li navçeya Xûta ya ser bi hikûmeta demkî ve, amaje kir ku rêjeya 40% ji 17700 zarokên şîrmij ên ku temenê wan di binya 2salan re ye, hewcedariya wan bi pişgiriya bitemamî heye, di dema ku 400 hezar sivîl li xûta rojhilat ya dorpêçkirî dijîn.
Encûmenê got ku li Xûta rojhilat nêzîkî 8 hezar û 500 zarokên sava hene, ku jiyê wan ji şeş heyvan kêmtir e, tevlî 9 hezar û 200 savayên din yên jiyê wan di navbera şeş heyvan û du salan de ye, û bal kişand ku mirin zêde dibe bi sedema astengiyên dorpêçkirina Rijêmê, ku bûye sedema kêmketina derman û kelupelên xwarinê.
Ji aliyê xwe ve, cîgirê rêveberê kombenda komeleya mafên penaberan, parêzer Ebdulah Resûl Dimîr ji ajansa Anadol ya Tirkî re got ku “zarok kesên herî zermend in li Sûriyê, û tekez kir ku sercem yasayên navdewletî di ezmûnê de têkşikestin, û bi taybetî di mijara zarokên Sûriyê de”.
Û ligor nûtirîn raporta rêxistina “UNICEF” ya li êlûna borî hatibû belavkirin, 8.5 milyon zarok li Sûriyê ji ber şer zerermed bûne, û ligor raporta komeleya navdewletî ya mafên penaberan, zarok li Sûriyê baca herî mezin didin.
Di heman dema ku Xûta rojhilat, tevî ku yek ji navçeyên kêmkirina oparesyonên keşkerî ye, di mawê du heftiyên borî de tûşî oparesyonek tund ji hêla hêzên Rijêmê hat, tevî ku Rûsiya roja 22’ê tîrmeha borî wek roja destpêkirina agirbestê li Xûta rojhilat ragihandibû, lê hêjî Rijêm di êrîşên xwe yên bê rawestan de berdewam e.
Jêder: Ofîsa Ragihandina Hevbendiya Niştimanî/ Wekalat
