Tîma Kordinatorên Hawarhatina Sûriyê, duhî roja duşemê di daxuyaniyekê de, got ku heta niha derdora 295 hezar kesî koçber bûne, ji ber binpêkirinên berdewam li dijî welatiyên sivîl ji aliyê hêzên Esed û Rûsya li deverên dikevin di nava peymana Idlibê de.
Tîmê tirsa xwe nîşan da li ser zêdebûna hejmara kesên derbider dibin ji deverê, ji encama berdewamiya operasyonên leşkerî li ser deverê bi giştî û ji navçeya bêçek bi taybetî, û rexne girt li ser bêdengiya navnetewî ya li hemberî kiryarên li dijî sivîlan.
Tîma Bersivdanê diyar kir ku sê oparesyonên leşkerî hatine belgekirin her ji dema imzekirina peymana Idlibê de di 17 êlûna 2018’an û heta niha, ya yekem di çiriya pêşîn a 2018 de bû, û têde 37 245 kes koçber bûn, û kampanya leşkerî ya duyem li ser çileya pêşîn ya 2018 bû, û têde 41 367 kes kocber bûn.
Li gorî daxuyaniyê, kampanya leşkerî ya sêyem di sibata 2019 de bû, û têde 34726 malbat (216 348 kes) koçber bûn, û hîn jî tîmên meydangerî radibin bi serjimêrîkirina hejmara kesên kocber ji deverê yên ku li seranserî zêdetir ji 35 qezayên li devera “Mertala Firat” û “Şaxê Zeytûnê” û li deverên bakur li ser sînorê Tirkiyê belav bûne.
Li gorî raportê , hejmara kuştî û birîndarên sivîl her ji îmzekirina peymana Idlibê de gihiştiye bêhtir ji 418 welatiyên sivîl, ku piraniya wan xelkê parêzgeha Idlibê ne, (272 sivîl) bûn di qonaxa di navbera 17’ê elûna 2018 û 29 nîsana 2019’an de.
Raportê diyar kiriye ku hejmara kuştî û birîndarên sivîl di sêyemîn kampanya leşkerî de gihişt zêdetir ji 312 welatiyên sivîl, di nav de 107 zarok, li parêzgeha Idlib 234 welatiyên sivîl, di nav de 87 zarok, û li parêzgeha Hama 68 sivîl, di nav de 16 zarok, û li parêzgeha Helebê 8 kesên sivîl, di nav de sê zarok hene, û li parêzgeha Laziqiyê 2 kes ku yek ji wan zarok bû.
Tîmê tekez kir ku dubare armanckirina karsazî û binesaziya bingehîn tawaneke şer e, û pêdivî bi dozgeriyê heye, û dît ku hewldanên ji aliyê Rûsya ve û piştgiriya hêzên rejîmê ji bo valakirina deverê ji welatiyên sivîl dibin, dikevin di çarçoveya tawanên bi darê zorê ji aliyê hêzên rejîma Esed ve her ji destpêka sala 2015 heya îro tên bikaranîn.
Jêder: Ofîsa Ragihandina Hevbendiya Niştimanî ya Sûrî
