Nêzî 120 rêxistinan ji rêxistinên civaka sîvîl li Sûriyê, bang li birêkarê Sekreterê giştî yê Netewên Yekbûyî bo karûbarên Mirovî, Marc Lok kir ji bo rizgarkirina bi deh hezaran koçberên dorpêçkirî û fişaran bêxe li ser rejîma Esad û milîsên Îranê yên terrorist, yên ku rê li ber hatina xwarinê ji bo kampa El-Rikban digrin.
Rêxistinan duhî roja duşemê di daxuyaniyeke hevbeş de da zanîn ku koçberên kampa El-Rikban “Di gelek zehmetiyên jiyanê re derbas bûne, ji ber dorpêça dijwar ya li ser wan her ji hezîranê de, piştî girtina riya El-Dimêr ji aliyê rejîma Esed ve”.
Daxuyaniyê bal kişand ser ku dorpêçkirin “bû sedema nebûna alîkariyên mirovî û keresteyên xwarinê û desttengî û kêmbûna çavdêriya pizîşkî û av û elektrîkê, li çoleke hişk û biyaban ku li wir kêmtirîn pêdawîstiyên jiyanê peyda nabin, û ev yek bû sedema mirina 14 kesan, di meha îlona borî de ku piraniya wan jin bûn”.
Daxuyaniyê û li gor serjimêriya rêveberiya sivîl ya kampê, bal kişand ser hebûna bi hezaran doxên seqetbûn û kêmendamiyê di nava koçberên kampê de, 1460 kes ji wan jin in, û 1621 mêr in, û 4273 zarok in.
Rêxistinan bang li Netewên Yekgirtî kir ku bi berpirsiyariyên xwe yên mirovanî rabe ji bo rakirina hemû nesaxan ji bo dermankirina wan bi rêya Urdunê, û bang li her aliyan kir ji bo gihandina alîkariyên xwarinê ji bo koçberên dorpêçkirî.
Koçberên kampê ji piraniya keresteyên xwarin û dermanan bêpar in, ligel hebûna doxên tenduristiyê yên pêdiviya wan bi niştergeriyê heye, bi taybetî doxên jidayikbûnê, her weha bêpar in ji çavdêriya pizîşkî û ji dermanan, ku kamp bi tundî dorpêçkirî ye ji aliyê hêzên Esed û hevalbendên wî her ji hezîrana borî ve.
Jêder: Ofîsa Ragihandina Hevbendiya Niştimanî ya Sûriyê