Nûnerên encûmena niştimanî kurdî yên Hevbendiyê Ebdulbasit Hemo, Fûad Elîko û Hewas Egîd duhî duşembê 01.10.2018 li Istanbulê, bi şanda desthilata Kenedî re, ya ji van birêzan pêk dihat: Şandyarê taybet bo Sûriyê Robin Wîtlofer, Cîgirê birêveberê beşê rojhelata navîn yê karûbarên cîhanî yê “Sûrya Îraq, Urdun û Libnan” li Kenda, Bîgata Taylor, birêvebera rojhelata navîn û Efrîka ya emîndariya nirxandinê ya ofêsa qeralê ya taybet, Lewra Holand, şirovekarê emîndariya nirxandinê bo encûmena qiralê yê taybet Giraham Mîrz, birêveberê pirogramê pirosesên aştî û aramiyê yê karûbarê cîhanî li Keneda Entiwan Tirar, û sekretêrê yekem yê balyozxaneya Keneda li Enqerê Endirya Şoynawer.
Gotûbêj li ser pêşveçûnên nuha li meydana Sûrî û mijara Idlib û rêkeftina Tirkiyê û Rûsya derbarê wê, her weha li ser mijara aştiyê û babeta komîta destûrî û astengiyên têne pêşiya wê, û doza civînekê bo wê li Cinêvê bû.
Aliyê Kenedî li ser mijara nakokiyên di navbera Encûmena niştimanî kurdî û PYD de axivî, û çawaniya lipaşxwehiştina nakokiyan, û helwesteke kurdî ya yekbûyî pêk were.
Ji aliyê xwe ve şanda nûnerîtiyê tekez kir ko encûmena niştimanî kurdî bi çareseriya siyasî li gora biryarên navdewletî yên derbarê dosya Sûrî pabend e, û bi taybetî biryar 2118 û ya 2254, ji ber Encuman bi çareseriya leşkerî nebawer e.
Derbarê helwesta ji PYD, şanda nûnerîtiyê tekez kir ko encûmen digel çi bizavên ji hêla civaka navdewletî hene, bi taybetî hevalên miletê Kurd, ji bo gotûbêjkirina nakokiyên navbera herdu aliyan û nemaze dosya leşkerî û ya birêveberinê û helwest ji rêjîmê û danûstandina li gel wê.
Tekezî kir ko çi gotûbêj digel PYD divê li ser bingeha Hewlêr1 û Hewlêr2 û Duhok ya navbera herdu aliyan ya ko bi piştgiriya rêzdar Mesûd Barzanî hatiye imzekirin, û berî wê gereke PYD ji encûmena niştimanî re nêta xwe ya baş diyar bike, û kampaniyên xwe yên ragehandinê rawestîne û girtiyan berde û bihêle ofêsên partiyên encûmenê vebin, û biryarên destdanîna ser ofîsan û malên hin serpereştan rawestînin, û zemîneke guncayî ji bo gotûbêjê pêkbînin.
Pêşinyarên şanda encûmena niştimanî kurdî cihê xweşhaliya şanda Kenedî bûn, ya ko tekezî li ser giringiya berdewamiya peywendiyan bi Encumana kurdî re kir.
Jêder: Beşê Kurdî ji Ofêsa Ragehandinê ya Hevbendiya Niştimanî
