Tabûrên artêşa azad piştî şerên dijwar li dijî hêzên “PYD” ê li ser pêşdeçûnên xwe ber navçeyên gundewarê bajarê Afrînê li bakurê Helebê, û kontrolkirina hin navçeyên stratîjîk li navçeyê berdewam in.
Fermandarê giştî yê firqa neh “neqîb ebû Celal” ji tora “Beledî News” ya xwecihî re got ku gundê “Qestel Cindo” û “Çiyayê Birsaya” yên li gundewarê Afrînê ji aliyê çekdarên artêşa azad ve piştî şerên dijwar hatine kontrolkirin.
Navborî bal kişand ku hêzên esmanî yên Tirkiyê piştgiriyê didin hêzên artêşa azad û tekez kir ku bandoreke mezin ya wê piştgiriyê li şer heye.
Û artêşa azad li beyaniya roja înê karî çiyayê “Qîzqilî” yê li nêzîk bajarê “Cendêris” kontrol bike.
Fermandarê navborî cext li ser wê yekê kir ku çeperên PYD’ê bi awayekî serekî têne bombebarankirin, û bal kişand ku sivîl nayên armackirin û bi hişdarî riftar ligel navçeyên sivîlan dibe.
Têzanîn ku Hevbendiya Niştimanî ya hêzên şoreş û rikberiya Sûriyê piştgiriya xwe xuya kiribû ji bo oparesyonên dibin bi beşdariya “artêşa azad” yên ji hêzên şoreşê pêktên bi serpiriştiya hikûmeta Sûrî ya demkî, bi armanca kintrolkirina hin bajar û bajarokên bakur ji destê hêzên PYD’ê bi hevkarî û hemahengiya dewleta Tirkiyê û piştgiriya wê ya esmanî.
Hevbendiya Niştimanî tekez kiribû ku PKK’ê û PYD’ê û dezgehên xwe yên ewlekariyê, wek rêxistinên terorîst dibîne ku radibin bi çewsandina xelkê Sûriyê bêcudahî, û hejmarek ji têkişerên kurd di girtîgehên wê de hene û bi sedan kes jiyana xwe jidest dane bi eşkencedana wan bi awayekî rasterast.
Jêder: Ofîsa Ragihandina Hevbendiya Niştimanî
